ლონდონის ჩელსის 22 წლის სენეგალელი შემტევი, ნიკოლას ჯეკსონი ამბობს, რომ მისთვის კრიტიკოსების აზრი უმნიშვნელოა და ინგლისური კლუბის რიგებში თავს ბედნიერად გრძნობს. ცნობისთვის, ჯეკსონმა მიმდინარე სეზონში ყველა ტურნირზე ერთად, 19 მატჩი გამართა, რვა გოლი გაიტანა და ერთი საგოლე გადაცემა მიითვალა.

ნიკოლას ჯეკსონი:

ეს ჩემი პირველი სეზონია ლონდონის ჩელსიში და აქ თავს ძალიან ბედნიერად ვგრძნობ, მაგრამ რატომღაც ყველა სისულელეებს ლაპარაკობს. არ მაინტერესებს, რას ამბობს ხალხი.

დაუმსახურებელ კრიტიკას არ მივიღებ. ესენი ის ადამიანები არიან, რომლებსაც ფეხბურთის არაფერი გაეგებათ. მე გავაგრძელებ თამაშს და უფრო მეტ გოლს გავიტან. ეს ჩემი საქმეა, რითაც გუნდს დახმარება უნდა გავუწიო და ცხადია, ამისთვის მზად ვარ.

შეგახსენებთ, რომ ნიკოლას ჯეკსონი ჩელსიმ ვილიარეალიდან გასულ ზაფხულს შეიძინა და ესპანურ კლუბს მოთამაშის სანაცვლოდ 37 მილიონი ევრო გადაუხადა.

ჯეკსონი: "არ მაინტერესებს, რას ამბობს ხალხი"

ჩელსის სენეგალელი შემტევი კრიტიკას ყურადღებას არ აქცევს

უახლესი ამბები