იტალიის თასის მერვედფინალში ნაპოლიმ ფროზინონეს უმასპინძლა და გამანადგურებელი ანგარიშით 0-4 დამარცხდა.

მატჩის შემდეგ, ნეაპოლელთა მთავარმა მწვრთნელმა, ვალტერ მაძარიმ გულშემატკივრებს სამარცხვინო მარცხის გამო მოუბოდიშა. მაძარის თქმით, მისთვის გასაკვირად, თამაში მას შემდეგ უფრო აირია, რაც მან საქმეში ძირითად შემადგენლობის მოთამაშეები ჩართო, რამაც როგორც სათამაშო სურათზე, ასევე შედეგზე დიდი გავლენა მოახდინა:

მსურს, რომ გულშემატკივრებს ამ მარცხის გამო მოვუბოდიშო. ისინი ყველაფერს აკეთებდნენ იმისათვის, რომ დაგვხმარებოდნენ და უკეთესად ავთამაშებულიყავით. განსხვავებულად ფორმირებულმა დაცვამ გავლენა მოახდინა. მეორე გოლის მომენტში იყო უკან გაკეთებული გაუაზრებელი პასი, რომელიც გაშვებულ გოლად დაგვიჯდა. ამ დროს არ უნდა დაგავიწყდეს, რომ შენ ნაპოლი ხარ და მსგავსი შეცდომები არ გეპატიება.

შესაძლოა, ძირითადი გუნდის მოთამაშეები სათადარიგო სკამიდან ჩართვას მიჩვეულნი არ არიან, რადგან რაც არ უნდა აბსურდულად ჟღერდეს, ჩვენ მათ შემოსვლამდე უფრო კარგად ვთამაშობდით. საქმეს ისინი უფრო უკეთესად აკეთებდნენ, ვისაც სათამაშო დრო არ აქვთ. იმედი მაქვს, რომ ამ მარცხს კარგ გაკვეთილად მივიღებთ, რომელსაც მომავალში აუცილებლად გამოვიყენებთ.

მაძარი: "უცნაურია, მაგრამ ძირითადის ფეხბურთელების გამოსვლის შემდეგ უარესად ავთამაშდით"

ნაპოლი იტალიის თასზე განადგურდა

უახლესი ამბები