საქართველოს მოქმედი ჩემპიონი, დინამო ბათუმი ახალი სეზონისთვის მზადებას უკვე შეუდგა. აჭარულმა კლუბმა ცოტა ხნის წინ, სერბი მცველი, ბოიან მლადიოვიჩი დაიმატა.

ბათუმელებმა სერბი მცველის ტრანსფერს, მეორე ახალწვეულიც მოაყოლეს. დინამო ბათუმმა ამჯერად სენეგალელი შემტევი, ონორე გომისი დაიმატა. გომისმა აჭარულ კლუბთან ერთწლიანი კონტრაქტი გააფორმა, რომელიც სეზონის ბოლოს, შესაძლოა, კიდევ ერთი წლით გახანგრძლივდეს.

27 წლის შემტევმა ცოტა ხნის წინ, თავისუფალი აგენტის სტატუსით გორის დილა დატოვა. სენეგალელმა ფეხბურთელმა გორელთა მაისურით, 72 მატჩში 14 გოლი და 10 საგოლე გადაცემა მიითვალა.

ონორე გომისი გორის დილამდე სხვადასხვა დროს თურქულ კლუბებში, უმრანიესპორში, ჰატაისპორსა და მენემენსპორში თამაშობდა.

დინამო ბათუმის სპონსორია კროკობეთი - მედია პარტნიორი croco.ge!

დინამო ბათუმმა სენეგალელი შემტევი დაიმატა

დინამო ბათუმმა მეორე ტრანსფერი განახორციელა

უახლესი ამბები