საქართველოს მოქმედი ჩემპიონი, დინამო ბათუმი ახალი სეზონისთვის მზადებას უკვე შეუდგა. აჭარულმა კლუბმა, სერბი მცველი, ბოიან მლადიოვიჩი, სენეგალელი შემტევი, ონორე გომისი და ბრაზილიელი მცველი ვანდერსონ სილვა დაიმატა.

ბოიან მლადიოვიჩი ბათუმელებს ყაზახური ტობოლიდან, ხოლო ონორე გომისი და ბრაზილიელი მცველი, ვანდერსონ სილვა, გორის დილადან შეუერთდნენ.

მორიგი ფეხბურთელი, რომელიც დინამო ბათუმში გორის დილადან გადავა, ბრაზილიელი საყრდენი, ალეფ სანტოსია. აღსანიშნავია, რომ სანტოსი გორულ კლუბში გადასვლამდე, სწორედ ბათუმელთა რიგებში ირიცხებოდა, რომლის მაისურითაც 6 მატჩში 2 საგოლე გადაცემა მიითვალა.

დინამოს რიგებს შუქურას აწ უკვე ყოფილი თავდამსხმელი, დავით მუჯირიც შეუერთდა, რომელმაც გასულ სეზონში ქობულეთური კლუბის მაისურით, 35 მატჩში, 10 გოლი და ერთი საგოლე გადაცემა მიითვალა.

კიდევ ერთი ახალწვეული, რომელიც ბათუმელთა რიგებში ითამაშებს, ლევან ჟორდანიაა, რომელიც ბოლოს გაგრაში თამაშობდა.

დინამო ბათუმის სპონსორია კროკობეთი - მედია პარტნიორი croco.ge!

დინამო ბათუმო სატრანსფერო ბაზარზე აქტიურობას აგრძელებს

დინამო ბათუმმა ექვსი ფეხბურთელი დაიმატა

უახლესი ამბები