უკანასკნელ პერიოდში, ესპანური გამოცემები აქტიურად იუწყებიან, რომ კატალონიის ბარსელონას მთავარი სამიზნე 2024 წლის ზაფხულში ნაპოლის ქართველი შემტევი, ხვიჩა კვარაცხელია იქნება.

"პარტენოპეის" 77-ე ნომრის მამამ, ბადრი კვარაცხელიამ საკუთარი ვაჟის შესახებ ისაუბრა:

ძალიან ბედნიერი ვარ იმით, რომ ნაპოლიმ ტიტული მოიგო და ამ ყველაფერში თავისი წვლილი ჩემმა შვილმა, ხვიჩამაც შეიტანა. მადლობელი ვარ იტალიისა და ნეაპოლის, რომ მიესალმნენ და დააფასეს ხვიჩა როგორც პიროვნება და ფეხბურთელი.

ის თავად არის ერთადერთი, ვისაც შეუძლია გადაწყვიტოს დარჩეს თუ არა ნეაპოლში, მაგრამ ვფიქრობ, რომ ის გააგრძელებს ნაპოლის მაისურის ტარებას. ნებისმიერ შემთხვევაში, მე პატივს ვცემ მის გადაწყვეტილებას.

ამჟამად კვარაცხელიას ანაზღაურება სეზონში 1.5 მილიონი ევრო გახლავთ. მიმდინარე სეზონში მან მონაწილეობა 34 მატჩში მიიღო. გაიტანა რვა გოლი და მიითვალა ექვსი საგოლე გადაცემა. ხვიჩას არსებულ კონტრაქტს ვადა 2027 წელს ეწურება. Transfermarkt-ის შეფასებით, ქართველის ღირებულება დღეისათვის 80 მილიონი გახლავთ.

ბადრი კვარაცხელია: "ხვიჩას ნებისმიერ გადაწყვეტილებას პატივს ვცემ"

ბადრი კვარაცხელიამ საკუთარი ვაჟის შესახებ ისაუბრა

უახლესი ამბები