ბუნდესლიგა 2-ის 26-ე ტურის ეგიდით, ბუდუ ზივზივაძის კარლსრუემ მაგდებურგს უმასპინძლა და მეტოქეს შვიდი უპასუხო გოლი გაუტანა.

ქართველმა ფორვარდმა მატჩი ძირითად შემადგენლობაში დაიწყო და შესანიშნავი პირველი ტაიმი ჩაატარა. მე-13 და 25-ე წუთებზე გატანილი გოლებით ზივზივაძემ დუბლი გაიფორმა. ხოლო, მე-40 წუთზე მისი გადაცემის შემდეგ, მაგდებურგის კარი პაულ ნობელმა აიღო.

ასევე, თითო გოლი აქტივში მარსელ ფრანკემ, მარსელ ბაიფუსმა, იგორ მატანოვიჩმა და მარვინ ვანიცეკმა მიითვალეს. 66-ე წუთზე კი ქართველი თავდამსხმელი ფაბიან შლოიზნერით შეცვალეს.

ამრიგად, ბუდუ ზივზივაძეს ბუნდესლიგა 2-ის მიმდინარე სეზონში 24 მატჩში 10 გოლი და ერთი შედეგიანი გადაცემა აქვს. მისი გუნდი კი 26 ტურის შემდეგ, 38 ქულით სატურნირო ცხრილში მეშვიდე ადგილზეა.

ზივზივაძის დუბლი და ასისტი - კარლსრუემ მაგდებურგი გაანადგურა

კარლსრუე 7-0 მაგდებურგი

უახლესი ამბები