ესპანეთის ლა ლიგის 29-ე ტურის ცენტრალურ მატჩში, კატალონიის ბარსელონა "სივიტას მეტროპოლიტანოზე" მადრიდის ატლეტიკოს ესტუმრა და მეტოქეს სამი უპასუხო გოლი გაუტანა.

შეხვედრის პირველ ნახევარში გოლი ყოფილ კლუბს ჟოაუ ფელიქსმა გაუტანა. ხოლო, მეორე ტაიმში "როხიბლანკოს" კარში გატანილი გოლებით თავი რობერტ ლევანდოვსკიმ და ფერმინ ლოპესმა გამოიჩინეს.

აღსანიშნავია, რომ ფელიქსი, რომელიც "ბლაუგრანაში" ატლეტიკოდან ერთწლიანი იჯარის წესით იმყოფება, "როხიბლანკოს" გოლი პირველი წრის მატჩშიც გაუტანა და გუშინდელი შეხვედრის შემდეგ, მან მედიასთან მის მიმართ მადრიდელთა გულშემატკივრების დამოკიდებულებაზე ისაუბრა, რომლებიც პორტუგალიელის ბურთის ყოველ მიღებაზე უსტვენდნენ.

ატლეტიკოს გულშემატკივრებმა არ იციან რა მოხდა იმ პერიოდში, სანამ მე იქ ვიყავი. მათ არ იციან რა მოხდა კლუბის შიგნით. მათი მესმის, მაგრამ არ უნდა აღმიქვან როგორც ცუდი ბიჭი. ატლეტიკოს ფეხბურთელებთან დღემდე კარგი ურთიერთობა მაქვს, - თქვა ფელიქსმა ESPN-თან საუბრისას.

შეგახსენებთ, რომ ჟოაუ ფელიქსს მადრიდულ კლუბთან მოქმედი კონტრაქტი 2029 წლის ზაფხულამდე აკავშირებს. ბარსელონაში კი ის ერთწლიანი მშრალი იჯარით იმყოფება, რაც იმას ნიშნავს, რომ კატალონიელებს მისი გამოსყიდვის უფლება არ აქვთ.

ყველა ტურნირის გათვალისწინებით, მიმდინარე სეზონში პორტუგალიელმა შემტევმა "ლურჯ-ბროწეულისფერთა" მაისურით 34 მატჩში მიიღო მონაწილეობა და მის აქტივში ცხრა გოლი და ხუთი შედეგიანი გადაცემაა.

[html]

🚨 João Félix: "Atlético fans do not know the things that happened here during the time I've been here".

"The fans don't know what happened here inside, I understand them but I shouldn't be seen as the bad guy. Even my relationship with Atléti players is very good", told ESPN. pic.twitter.com/RaDoV8nzMx
— Fabrizio Romano (@FabrizioRomano) March 18, 2024

[/html]

ფელიქსი: "ატლეტიკოს გულშემატკივრებმა ბევრი რაღაც არ იციან"

ფელიქსმა ატლეტიკოს ორივე მატჩში გაუტანა

უახლესი ამბები