ჩემპიონთა ლიგის 2024-2025 წლების სეზონში იტალია 5 კლუბით წარსდგება. აღნიშნული ინფორმაცია, ევროპა ლიგისა და კონფერენს ლიგის მეოთხედფინალური ეტაპების დასრულების შემდეგ ოფიციალურად დადასტურდა.

იტალიელთა მსგავსად მომავალი სეზონის ევროპის უპრესტიჟულეს საკლუბო ტურნირზე, დიდი ალბათობით გერმანიაც 5 გუნდით წარსდგება. ესპანელთა შანსები იმისა, რომ მათ ხუთი კლუბით იასპარეზონ, ძალზედ მცირეა, რადგან მათ მხოლოდ ჩემპიონთა ლიგაზე ჰყავთ გუნდი. ესპანელთა მსგავსად, ინგლისელებსაც მცირე შანსი აქვთ იმისა, რომ ახალ სეზონში უპრესტიჟულეს საკლუბო ტურნირზე ხუთი კლუბი ჰყავდეთ. მათი გუნდებიდან ევროტურნირებზე მხოლოდ ასტონ ვილა შემორჩა, რომელმაც ლილი პენალტების სერიაში დაამარცხა და ევროპის კონფერენს ლიგის ნახევარფინალში გავიდა.

[html]

👋 x5 @ChampionsLeague
— Lega Serie A (@SerieA_EN) April 18, 2024

[/html]

მართალია, იტალიელებმა ჩემპიონთა ლიგაზე ხუთი ადგილი გაინაღდეს, მაგრამ არსებობს იმის შანსი, რომ მათ ტურნირზე ექვსი გუნდი გაიყვანონ. იმ შემთხვევაში თუ რომა, ან ატალანტა ევროპა ლიგას მოიგებს და ამასთან ერთად, ჩემპიონატში ხუთეულს მიღმა დარჩება, სერია ა ტურნირზე ექვსი გუნდით წარსდგება.

ჩემპიონთა ლიგის 2024-2025 წლების სეზონში 5 იტალიური კლუბი იასპარეზებს

ჩემპიონთა ლიგის ახალ სეზონში, შესაძლოა, იტალიამ ექვსი კლუბი გაიყვანოს

უახლესი ამბები