რეალის ლეგენდარულმა ფეხბურთელმა, რაულ გონსალეს ბლანკომ, მადრიდული გრანდის ინგლისელ ლიდერზე, ჯუდ ბელინგემზე ისაუბრა. რაულმა ჯუდის მისამართით საქებარი სიტყვები არ დაიშურა.

ამჟამად კასტილიას მთავარმა მწვრთნელმა განაცხადა, რომ ინგლისელი შემტევი რეალის გულშემატკივრისთვის ლეგენდად აუცილებლად იქცევა. რაულის თქმით, ის ჯუდ ბელინგემით, პირველივე პრესკონფერენციაზევე მოიხიბლა:

ახალგაზრდა ფეხბურთელებს შორის, ყველაზე მეტად ჩემს გაოცებას ბელინგემი ახდენს. გამიმართლა, რომ რეალის ფეხბურთელის რანგში მის პირველივე პრესკონფერენციას დავესწარი და ისეთი შთაბეჭდილება დამრჩა, რომ არა ახალგაზრდა, არამედ გამოცდილი მოთამაშე საუბრობდა, რომელიც ამ კლუბს კარგად იცნობდა.

მარტივი არაა ისეთი ფეხბურთელის მოძებნა, რომელიც მის მსგავსად ითამაშებს. ის ქომაგებს ძალიან უყვართ. მან გუნდს ორი "ელ კლასიკო" მოაგებინა და ამასთან ერთად, კლუბში მომუშავე ხალხთანას ბრწყინვალე ურთიერთობა აქვს.

როდესაც "ელ კლასიკოს" დავესწარი, რთული შესამჩნევი არ იყო ის მონდომება, რომელიც ბელინგემმა აჩვენა. ის თითქმის ყველგან იყო და მუდმივად დარბოდა. ასეთი მონდომება კი გულშემატკივრებს ყოველთვის აღარფთოვანებთ, რადგან იციან, რომ ამ ფეხბურთელს მხოლოდ გამარჯვება სურს. მჯერა, რომ ბელინგემი რეალის ლეგენდა გახდება.

[html]

De uma lenda do Real Madrid para uma futura lenda? 👔🏳️ Raúl González, exaltou Bellingham e afirmou que o craque inglês será ídolo no clube merengue.

Você vê Bellingham e cia. contra o Bayern dia 30 de abril na @tntbr e @streammaxbr (https://t.co/T1NaT7dyBc)! #CasaDaChampions pic.twitter.com/UkWslpxXwi
— TNT Sports BR (@TNTSportsBR) April 22, 2024

[/html]

რაული: "ის რეალის ლეგენდა აუცილებლად გახდება"

რაულმა მადრიდული გრანდის ახალგაზრდა ვარსკვლავი შეაქო

უახლესი ამბები