ლონდონის ტოტენჰემის ნახევარმცველი, ჯეიმს მედისონი 2024 წლის ევროპის ჩემპიონატზე არ ითამაშებს.

The Athletic-ის მიერ გავრცელებული ინფორმაციის მიხედვით, 27 წლის ფეხბურთელთან დაკავშირებით, გარეთ საუთგეიტმა გადაწყვიტა, რომ ის საბოლოო განაცხადს მიღმა დატოვოს.

ამ ეტაპზე, მედისონი ეროვნულ გუნდთან ერთად ევრო 2024-ისთვის ემზადება. მიუხედავად იმისა, რომ მთავარმა მწვრთნელმა ის გაფართოებულ შემადგენლობაში შეიყვანა, როგორც ჩანს, ჯეიმსი მაინც ევრო 2024-ს მიღმა დარჩება.

აქვე გეტყვით, რომ ევროპის ჩემპიონატზე მონაწილე ნაკრებებმა საბოლოო, 26-კაციანი განაცხადი 8 ივნისამდე უნდა წარადგინონ. კონტინენტის პირველობა კი გერმანიაში 14 ივნისიდან დაიწყება.

შეგახსენებთ, რომ 2023/24 წლების სეზონში, მედისონს ტრავმის გამო, დაახლოებით სამი თვე გაუცდა. ტოტენჰემის მაისურით კი მან საერთო ჯამში 30 მატჩი ჩაატარა და აქტივში ოთხი გოლი და ცხრა შედეგიანი გადაცემა მიითვალა.

[html][/html]

მედისონი ევროპის ჩემპიონატზე არ ითამაშებს

საუთგეიტი მედისონს საბოლოო განაცხადში არ შეიყვანს

უახლესი ამბები