ამხანაგურ მატჩში მექსიკის ეროვნული ნაკრები ბრაზილიას დაუპირისპირდა. შეხვედრა საკმაოდ დაძაბული და საინტერესო გამოდგა. უხვგოლიან მატჩში გამარჯვება მსოფლიოს 5-გზის ჩემპიონებს დარჩათ. მათ 3:2 იმარჯვეს. გამარჯვების მომტანი გოლი კი 17 წლის ენდრიკმა გაიტანა.

შედეგად, ენდრიკი ბრაზილიის ეროვნული ნაკრების ისტორიაში გახდა მეორე ყველაზე ახალგაზრდა მოთამაშე, რომელმაც ეროვნულ ნაკრებში 3 გოლი გაიტანა. ამ მაჩვენებლით ის მხოლოდ ლეგენდარულ პელეს ჩამორჩება.

ენდრიკმა ეროვნული გუნდის რიგებში გამართულ 3 შეხვედრაში ამდენივე გოლის გატანა შეძლო. ორ შემთხვევაში კი მისმა ნაკრებმა სწორედ ენდრიკის გოლებით იმარჯვა.

შეგახსენებთ, რომ 17 წლის შემტევი ამჟამად პალმეირასში ირიცხება, თუმცა ის მადრიდის რეალის საკუთრებაა. ესპანურმა გრანდმა ბრაზილიელის სანაცვლოდ 47,5 მილიონი ევრო გადაიხადა.

17 წლის ენდრიკი მხოლოდ პელეს ჩამორჩება

ახალგაზრდა ფეხბურთელი ბრაზილიის ნაკრების ისტორიაში შევიდა

უახლესი ამბები