ხვიჩა კვარაცხელიას მომავალზე უცხოურ მედიაში ბოლო დროს საკმაოდ ბევრს საუბრობენ. ნაპოლის ქართველ შემტევს ფრანგული გამოცემები პსჟ-ს უკავშირებენ, ხოლო იტალიური გაზეთები იტყობინებიან, რომ "პარტენოპეი" კვარაცხელიას გაყიდვის წინააღმდეგია. გუნდის ახალი მწვრთნელი, ანტონიო კონტე ქართველს თავისი პროექტის ცენტრალურ ფიგურად მიიჩნევს.

ტელეკომპანია იმედის ეთერში, გადაცემა "სპორტი იმედზე" სტუმრად იმყოფებოდნენ ფეხბურთელის მამა, ბადრი კვარაცხელია და აგენტი მამუკა ჯუღელი.

მამუკა ჯუღელი:

კონტემ რომ ხელი მოაწერა ნაპოლისთან კონტრაქტს, რაც მათ ახლა გეგმები აქვთ, მაგის 60 პროცენტიც რომ გააკეთონ, ჩემპიონთა ლიგაზე რომ გავლენ ამას მე გეუბნებით, მაგრამ ეს იმას არ ნიშნავს, რომ კვარაცხელიას იქ დარჩენა უნდა. სხვანაირად არ გაიგოს ხალხმა. ახლა მთელი ოჯახი ველოდებით ხვიჩას თამაშს ევროპაზე.

ახლა ამ საკითხზე ნაპოლისაც არ ვესაუბრებით. ჩვენთვის პრიორიტეტულია გუნდი, რომელიც ჩემპიონთა ლიგაზე გამოდის. ნაპოლი რომ ლიგაზე იყოს და კონტეც მოსულია, ხვიჩას კი კონტრაქტის პირობებს გაუუმჯობესებდნენ, სხვა გუნდზე არც კი ვიფიქრებდით.

ყველაზე ცუდი ის არის, რომ ხვიჩა ასეთ სიტუაციაში ერთ წელიწადს კარგავს. გუნდი ევროტურნირებზე ვერ მოხვდა. ჩვენ ეს გვანერვიულებს. 23 წლის ბიჭი რომ წელიწადს ლიგის გარეშე დაკარგავს, ეს გვანერვიულებს.

მე რომ მას დავუჯდები, ჩემს რჩევას მივცემ. მამამისიც თავისას ურჩევს, მაგრამ საბოლოოდ თვითონ გადაწყვიტავს. ხვიჩასთან საუბარი მართლა არ მქონია. პირველი საქართველოს ნაკრებია და ის ახლა ამაზეა ორიენტირებული. მოვილაპარაკეთ, რომ ევროპის ჩემპიონატამდე ამ საკითხს არ შევეხოთ. მერე უკვე თვითონ გადაწყვიტავს. მე ვიცი, რომ კონტემ ნაპოლის 7 ფეხბურთელზე მოითხოვა დარჩენა და ერთ-ერთი კვარაცხელიაა.

მე ვიძახი, რომ თუ ის ფეხბურთელები დაიმატეს, ვისი დამატებაც უნდათ, კონტეს ხელში ნაპოლი ჩემპიონი გახდება. რა თქმა უნდა, მეც მინდა რეალი და ბარსელონა, მაგრამ ამ ბიჭს ნაპოლისთან ჯერ კიდევ კონტრაქტი აქვს და კლუბის გადასაწყვეტია ბევრი რამე. როცა ჩვენი გადასაწყვეტი იქნება, მაშინ მე და ბადრიც ჩვენს სიტყვას ვიტყვით.

ბადრი კვარაცხელია:

მე ამ თემაზე ხვიჩასთან არ მილაპარაკია და არც მსურს, სანამ ევროპა არ დამთავრდება. ხვიჩა პატარა არ არის და თვითონ გადაწყვიტავს, დავჯდებით ოჯახი და ამ საკითხზე ვილაპარაკებთ, მაგრამ ახლა შესაფერისი დრო ამისთვის არ არის.

სიმართლე რომ გითხრათ, არ მინდა ნაპოლიში მისი დარჩენა. გუნდმა წელიწადში 4 მწვრთნელი შეიცვალა და ეს ბევრ რამეზე მაფიქრებს, მაგრამ ბოლო სიტყვა მასზეა.

თუ დარჩება, კიდევ ერთი წელი მოუწევს სახლში ჯდომა. ვარჯიში, თამაშის შემდეგ ისევ სახლი და ვერსად ვერ გავა.

ბადრი კვარაცხელია: "სიმართლე გითხრათ, არ მინდა ხვიჩა ნაპოლიში დარჩეს"

მამუკა ჯუღელმა ხვიჩა კვარაცხელიას ნეაპოლურ მომავალზე ისაუბრა

უახლესი ამბები