22 ივნისს, საქართველოს ფეხბურთელთა ეროვნული გუნდი გერმანიაში მიმდინარე ევროპის ჩემპიონატზე მეორე მატჩს გამართავს და ჰამბურგის "ვოლკსპარკშტადიონზე" ჩეხეთის ნაკრებს დაუპირისპირდება. მატჩი თბილისის დროით 17:00 საათზე დაიწყება.

ცოტა ხნის წინ, ცნობილი გახდა, რომ საქართველოსა და ჩეხეთის ნაკრებების დაპირისპირებაში მთავარი მსაჯი გერმანელი დანიელ ზიბერტი იქნება, რომელსაც მოედნის კიდეებთან თანამემამულეები: იან ზაიდელი და რაფაელ ფოლტინი დაეხმარებიან.

VAR-ის ოთახში მთავარი ასისტენტი ასევე, გერმანელი მარკო ფრიცი იქნება, რომელსაც ინგლისელი დევიდ კუტი და ნიდერლანდელი პოლ ვან ბოკელი დაეხმარებიან. მეოთხე მსაჯის მოვალეობას კი ბოსნიელი ირფან პელიტო შეასრულებს.

აღსანიშნავია, რომ დანიელ ზიბერტს საქართველოს ნაკრების მონაწილეობით ერთი მატჩი აქვს ნამსაჯი. 2023 წლის 8 სექტემბერს, გერმანელმა არბიტრმა "დინამო არენაზე" საქართველოსა და ესპანეთის ნაკრებების თამაშში იმსაჯა, რომელიც ჩვენმა გუნდმა 1-7 დათმო.

შეგახსენებთ, რომ მიმდინარე ევრო 2024-ის პირველ ტურში, საქართველო თურქეთთან 1-3 დამარცხდა. ხოლო, ჩეხებმა პორტუგალიასთან მატჩი 1-2 დათმეს.

საქართველო VS ჩეხეთის მატჩის მსაჯები ცნობილია

საქართველოსა და ჩეხეთის მატჩზე გერმანელი არბიტრი იმსაჯებს

უახლესი ამბები