გერმანიაში მიმდინარე 2024 წლის ევროპის ჩემპიონატი დასასრულს უახლოვდება. 9 ივლისს პირველი ფინალისტი გამოვლინდება. მიუნხენის "ალიანც არენაზე" ერთმანეთს ევროპის სამგზის ჩემპიონი ესპანეთი და ორგზის ჩემპიონი საფრანგეთი დაუპირისპირდებიან.

ამ გუნდების ურთიერთშეხვედრების ისტორია ერთ საუკუნეზე მეტს მოიცავს, თუმცა ოფიციალურ დონეზე მათი გზები მხოლოდ 1984 წლის ევროპის ჩემპიონატის ფინალში გადაიკვეთა, სადაც ფრანგებმა მეტოქე პლატინისა და ბელონეს გოლებით 2-0 დაამარცხეს და ევროპის ჩემპიონები ისტორიაში პირველად გახდნენ.

[html]

📸 ¡¡Recuperar bien para preparar el siguiente reto!!#VamosEspaña | #EURO2024 pic.twitter.com/2e2eYoOAJl
— Selección Española Masculina de Fútbol (@SEFutbol) July 6, 2024

[/html]

ესპანეთი და საფრანგეთი ერთმანეთს პირველად შორეულ 1922 წელს შეხვდნენ და დიდი ხნის განმავლობაში მათი დაპირისპირება ამხანაგურ ხასიათს ატარებდა. 1984 წლიდან კი უკვე სხვადასხვა ტურნირებზე იკვეთება მათი გზები და საერთო ჯამში აქამდე ერთმანეთში 36 მატჩი ჩაატარეს, საიდანც 16 ესპანელებმა მოიგეს, 13 ფრანგებმა და შვიდი შეხვედრა ფრედ დამთავრდა.

საინტერესოა, რომ დიდ ტურნირებზე ეს გუნდები ერთმანეთს ათჯერ შეხვდნენ და აქ უპირატესობა "სამფეროვნების" მხარეს - 6 მოგება, 2 ფრე და 2 მარცხი. ბოლოს კი მათი დაპირისპირება უეფას ერთა ლიგის ფინალში, 2021 წლის ოქტომბერში შედგა და მაშინაც, ტიტული ფრანგებს დარჩათ.

მიმდინარე ევრო 2024-ზე ესპანეთის ნაკრები შთამბეჭდავად გამოიყურება. "ფურია როხამ" ჯგუფური ეტაპის სამივე მატჩი მოიგო და თან ისე, რომ საკუთარ კარში გოლი არ გაუშვია და პლეი ოფში პირველი ადგილით გავიდა. მერვედფინალში ლუის დე ლა ფუენტეს გუნდმა საქართველოს ნაკრები 4-1 დაამარცხა. ხოლო, მეოთხედფინალიდან ასპარეზობას ტურნირის მასპინძელი ქვეყნის წარმომადგენელი, გერმანია (2-1) გამოთიშა, რომელსაც დამატებით ტაიმებში მიკელ მერინოს გოლით აჯობა.

[html]

"We're not scared of anyone; we are very confident and solid"

🇫🇷 Kolo Muani talks about France's pride, spirit and confidence ahead of their Spain challenge 👇#EURO2024
— UEFA EURO 2024 (@EURO2024) July 8, 2024

[/html]

რადიკალურად განსხვავებული სიტუაციაა საფრანგეთის ნაკრებში. დიდიე დეშამის გუნდი დაცვაში სტაბილურობით გამოირჩევა და სწორედ ამან განაპირობა, რომ "სამფეროვნები" დღეს ნახევარფინალში არიან. აღსანიშნავია, რომ ფრანგები ამ ეტაპამდე ისე მოვიდნენ, რომ მხოლოდ სამი გოლი აქვთ გატანილი და აქედან, საფრანგეთის ნაკრების ფეხბურთელების ანგარიშზე მხოლოდ ერთი გოლია, ისიც კილიან მბაპემ პენალტის ნიშნულიდან გაიტანა. დანარჩენი ორი კი ავტოგოლია.

საფრანგეთმა ჯგუფური ეტაპის ფარგლებში სამი ქულა მხოლოდ ავსტრიასთან მატჩში აიღო. თითო ქულას დასჯერდა ნიდერლანდებთან და პოლონეთთან და საბოლოოდ, პლეი ოფში მეორე ადგილით გავიდა. მერვედფინალში დეშამის გუნდმა ბელგიას იან ვერტონგენის ავტოგოლით მოუგო. მეოთხედფინალში კი პორტუგალიის ნაკრებს პენალტების სერიაში სძლია.

მარკ კუკურეია (ესპანეთის ნაკრების მცველი):

საფრანგეთის ნაკრების წინააღმდეგ მაქსიმალურად კონცენტრირებულები უნდა ვიყოთ და მათ ქმედებებს თვალყური უნდა ვადევნოთ. ბურთის დაკარგვის შემთხვევაში უნდა ვეცადოთ, რომ ის რაც შეიძლება სწრაფად დავიბრუნოთ და თუ ამას მოვახერხებთ, თამაშის უფრო მეტი ვარიანტი გვექნება.

ვეტერან და ახალგაზრდა ფეხბურთელებთან ერთად კარგი გუნდიო შევკარით. ასეთი დონის ტურნირებზე ოხაჯივით უნდა იყო, რადგან 26-ვე ფეხბურთელი ერთიანად გამოიყურებოდეს.

ხალხი ამ ყველაფერში ჩვენთან ერთად არის ჩართული. ისინი ჩვენს თამაშს უყურებენ და სიამოვნებას იღებენ. ჩვენი მიზანი გამარჯვებაა, რადგან ამ შემთხვევაში უფრო დაგვიმახსოვრებენ და სრულ ბედნიერებამდე კიდევ ერთი კვირა გვრჩება.

რანდალ კოლო მუანი (საფრანგეთის ნაკრების თავდამსხმელი):

მატჩები სულ უფრო და უფრო რთული ხდება. ესპანეთის ნაკრები ტურნირის ერთ-ერთი საუკეთესო გუნდია, რომელიც ძალიან კარგ ფეხბურთს თამაშობს. გვიყვარს დიდ გუნდებთან დაპირისპირება და სამშაბათის მატჩისთის მზად ვარ.

სავარაუდო შემადგენლობები:

ესპანეთი: უნაი სიმონი, მარკ კუკურეია, აიმერიკ ლაპორტე, ნაჩო ფერნანდესი, ხესუს ნავასი, როდრი, ფაბიან რუისი, დანი ოლმო, ლამინე იამალი, ნიკო უილიამსი, ალვარო მორატა

საფრანგეთი: მაიკ მენიო, ტეო ერნანდესი, უილიამ სალიბა, დაიო უპამეკანო, ჟიულ კუნდე, ადრიენ რაბიო, ორელიენ ჩუამენი, ნგოლო კანტე, ანტუან გრიზმანი, რანდალ კოლო მუანი, კილიან მბაპე

მთავარი მსაჯი: სლავკო ვინჩიჩი (სლოვენია)

პრევიუ | ესპანეთი VS საფრანგეთი

მიუნხენში ევრო 2024-ის პირველი ფინალისტი გამოვლინდება

ესპანეთი და საფრანგეთი ერთმანეთს 37-ედ შეხვდებიან

უახლესი ამბები