დინამო ბათუმის ევროტურნირებზე ასპარეზობა 10 ივლისს დაიწყო, სადაც ჩემპიონთა ლიგის ჯგუფური ეტაპის პირველ საკვალიფიკაციო ეტაპის პირველ შეხვედრაში სტუმრად ლუდოგორეცს დაუპირისპირდა და ანგარიშით 3-1 დამარცხდა.

მატჩის მე-12 წუთზე მასპინძელთა გათამაშებულ კუთხურს განელი მოთამაშის გოლი მოჰყვა. ამის შემდეგ, სტუმრებმა შეტევაზე გადასვლა და ანგარიშის გათანაბრება სცადეს, რის გამოც ლუდოგორეცმა მეტოქე კონტრშეტევაზე დასაჯა და მეკარესთან ერთი-ერთზე გასულმა რიკმა მას შანსი არ დაუტოვა.

მეორე ნახევარში დინამო ბათუმი კიდევ უფრო გააქტიურდა და რამდენიმე სახიფათო მომენტიც შექმნა. 62-ე წუთზე მარცხენა ფლანგზე ონორე გომისმა მცველი მოატყუა და საჯარიმოში ლადო მამუჩაშვილს უპასა, რომელმაც მეტოქე ერთი მოძრაობით ჩამოიშორა და მარტივად, ანგარიში შეამცირა.

მასპინძლებმა გაშვებული ბურთიდან 10 წუთში ორბურთიანი უპირატესობა დაიბრუნეს. ნორვეგიელმა მცველმა ვიტრიმ ჯარიმა ზუსტად შეასრულა, რაშიც დანაშაული დინამოელთა ცოცხალ კედელსაც მიუძღვის.

ამრიგად, დინამო ბათუმმა ლუდოგორეცთან პირველი მატჩი წააგო და განმეორებით მატჩს 17 ივლისს, საკუთარ მოედანზე ჩაატარებს.

დინამო ბათუმის სპონსორია კროკობეთი - მედია პარტნიორი Croco.ge!

დინამო ბათუმი სტუმრად ლუდოგორეცთან დამარცხდა

დინამო ბათუმი განმეორებით მატჩს 17 ივლისს ჩაატარებს

უახლესი ამბები