7 სექტემბერს, საქართველოსა და ჩეხეთის ეროვნული ნაკრებების მატჩს არა "დინამო არენა", არამედ მიხეილ მესხის სახელობის სტადიონი უმასპინძლებს, სადაც რაოდენობრივად გაცილებით ცოტა გულშემატკივარი ეტევა, ვიდრე დინამოზე. ამ ყველაფერმა კი გულშემატკივრებში უკმაყოფილება გამოიწვია.

მიზეზად კი ის დასახელდა, რომ ბორის პაიჭაძის სახელობის სტადიონზე ერთ-ერთი იარუსი დეტალურ შემოწმებას საჭიროებს. გავრცელებული ცნობებით, "დინამო არენას" ამჟამად შეუძლია 41,000 გულშემატკივარი მიიღოს, რაც რაოდენობრივად იმაზე მეტია, რასაც მიხეილ მესხის სტადიონი მიიღებს.

საქართველოს ფეხბურთის ფედერაციის პრეზიდენტმა, ლევან კობიაშვილმა ამ საკითხზე ისაუბრა:

როდესაც ჩვენ გვქონდა კომუნიკაცია სტადიონის ადმინისტრაციასთან, მათგან მივიღეთ როგორც სიტყვიერი, ასევე წერილობითი დასტური, რომ ამ მომენტისთვის მათ არ შეუძლიათ სრული ტევადობით მოგვცენ სტადიონი.

ეს არის ოფიციალური თამაში, რომელიც უეფას ეგიდით ტარდება. ჩვენთვის მნიშვნელოვანია, რომ უეფას ჰქონდეს ყველანაირი დოკუმენტი და ინფორმაცია სტადიონთან დაკავშირებით, რამდენად უსაფრთხო გარემოა. ადმინისტრაციიდან მიღებული საბუთებით კი ეს ინფორმაცია არ ჩანს.

მხოლოდ ის, რომ მეორე იარუსი გამოვიყენოთ არასერიოზულია. არამგონია, ის მცირე ჯგუფი, რომელიც ამ თამაშზე სპეკულირებს, ფეხბურთი აინტერესებდეს. კიდევ ერთხელ შემიძლია დავადასტურო, რომ სტადიონის ადმინისტრაციისგან მოვიდა წერილი, სადაც ისინი ამ პრობლემაზე საუბრობენ. თუ ადმინისტრაციას ტელევიზიებისთვის რამე სხვა წერილი აქვს მიცემული, ჩვენთვის ეს უცნობია.

კობიაშვილი: "მხოლოდ ის, რომ მეორე იარუსი გამოვიყენოთ არასერიოზულია"

სფფ-ს პრეზიდენტმა განმარტება გააკეთა

უახლესი ამბები