ხვალ, 29 აგვისტოს ჩემპიონთა ლიგის კენჭისყრა განახლებული ფორმატით გაიმართება. პირველ რიგში მოგახსენებთ, რომ 32 გუნდის ნაცვლად, ასპარეზობაში 36 კლუბი ჩაერთვება. ვინ ვის შეხვდება, ამას უკვე კომპიუტერული პროგრამა დაადგენს. ჩემპიონთა ლიგაზე თითო გუნდს 4 კალათიდან 8 მეტოქე ეყოლება. კომპიუტერი განსაზღვრავს საშინაო და გასვლით მატჩებსაც.

36-ვე კლუბი ერთ ლიგაში იასპარეზებს და მერვედფინალამდე პლეი ოფის სისტემით იხელმძღვანელებენ. თითოეულ კლუბს 4 საშინაო და ამდენივე გასვლითი შეხვედრის ჩატარება მოუწევს. ყველა კლუბი ერთ ცხრილში იქნება გაერთიანებული და ისინი ქულებს დააგროვებენ, რომლითაც პოზიციებს გადაინაწილებენ. აქვე მოგახსენებთ, რომ კალათებში ადგილები უეფას კოეფიციენტების მიხედვით ნაწილდება.

ჩემპიონთა ლიგის წილისყრის ახალ ფორმატს საზოგადოება როგორც უკვე მოგახსენეთ, 29 აგვისტოს იხილავს, ხოლო მომდევნო დღეს ევროპა ლიგისა და კონფერენს ლიგის წილისყრები შედგება.

უეფამ განაახლა ტურნირის ბრენდის იდენტობაც. აღსანიშნავია, რომ ცვლილება გარკვეულწილად ჩემპიონთა ლიგის ლეგენდარულ და ყველასთვის კარგად ნაცნობ ჰიმნსაც კი შეეხო. კომპოზიცია არ შეცვლილა, მაგრამ ჰიმნი ახალი არანჟირებით ჩაიწერა და ამიერიდან ამ ტურნირის ეგიდით გამართულ მატჩებზე, სწორედ ახალ ვერსიას მოისმენთ.

29 აგვისტოს ჩემპიონთა ლიგის კენჭისყრა გაიმართება

ახალ სეზონს ჩემპიონთა ლიგა მნიშვნელოვანი სიახლეებით დაიწყებს

უახლესი ამბები