ვეტერანი ქართველი ფეხბურთელი, შოთა არველაძე ნოემბერში ამსტერდამის აიაქსისა და მადრიდის რეალის ლეგენდების მატჩში მიიღებს მონაწილეობას.

მიმდინარე სეზონში ნიდერლანდურ კლუბს 125 წელი უსრულდება და საიუბილეო თარიღთან დაკავშირებით აიაქსისა და რეალის ვეტერანი ფეხბურთელები საგამოფენო მატჩს გამართავენ.

როგორც ცნობილი ხდება, აიაქსის ლეგენდარულ ფეხბურთელებს შორის შოთა არველაძესთან ერთად დანი ბლინდი, ედვინ ვან დერ სარი, სიმ დე იონგი, ფრანკ და რონალდ დე ბურები, არონ ვინტერი, სიააკ სვარტი, ვესლი სნეიდერი, კრისტიან კივუ, კიკი მუსამპა, დანი, რიკარდო ვან რეინი და იარი ლიტმანენი იქნებიან. ხოლო, რეალის შემადგენლობას იკერ კასილასი, კრისტიან კარემბუ, პაკო პავონი, რაულ ბრავო, სტივ მაკმანამანი და სხვები შეავსებენ. ლეგენდების მატჩი 17 ნოემბერს ამსტერდამში, იოჰან კრუიფის სახელობის სტადიონზე გაიმართება.

გეტყვით იმიასაც, რომ შოთა არველაძე ამსტერდამის აიაქსის რიგებში 1997-2001 წლებში თამაშობდა და ყველა ტურნირის ეგიდით გამართულ 124 მატჩში 72 გოლი გაიტანა

აქვე შეგახსენებთ, რომ 21 სექტემბერს, მიხეილ მესხის სტადიონზე საქართველოს ნაკრებისა და მილანის ლეგენდების მატჩიც გაიმართება, სადაც შოთა არველაძე მონაწილეობას ასევე მიიღებს.

[html]

Welcome to the Ajax Legends squad: Shota, Dani & Ricardo! ✨
— AFC Ajax (@AFCAjax) September 19, 2024

[/html]

შოთა არველაძე აიაქსისა და რეალის ლეგენდების მატჩში ითამაშებს

ლეგენდების მატჩი 17 ნოემბერს გაიმართება

უახლესი ამბები