ესპანეთის ლა ლიგის 2024/25 წლების სეზონის მეშვიდე ტურის ეგიდით, კატალონიის ბარსელონა "მონჟუიკზე" ხეტაფეს უმასპინძლებს და მოგებათ სერიის გაგრძელებას ეცდება.

მოახლოებულ მატჩთან დაკავშირებით, მედიასთან "ლურჯ-ბროწეულისფერთა" მთავარმა მწვრთნელმა, ჰანსი ფლიკმა ისუაუბრა:

სხვაგვარად ქმედება მოგვიწევს. ყველა მატჩი ერთმანეთისგან განსხვავდება და ვეცდებით, რომ ნებისმიერ მათგანს გეგმისამებრ მივუდგეთ.

იამალის დასვენება? - მას დაღლილობის არაფერი ეტყობა. მნიშვნელოვანია აღვნიშნოთ, რომ სახლში ვთამაშობთ და აუცილებელია თამაში უძლიერესი სასტარტო შემადგენლობით დავიწყოთ.

ვილიარეალთან მატჩი გავაანალიზეთ და ვნახეთ, რომ ბევრი ასპექტი უნდა გავაუმჯობესოთ. საუკეთესო ფორმისთვის ჯერ არ მიგვიღწევია და ვგრძნობთ, რომ შეგვიძლია უკეთესი გუნდი ვიყოთ.

ინიაკი პენია პროფესიონალია და ძალიან კარგად თამაშობს. მეორე მეკარეობა ყოველთვის რთულია, მაგრამ ის სათამაშოდ მზად არის. ჩვენ მისი გვჯერა.

ლევანდოვსკის თამაშით გაკვირვებული არ ვარ. მან უკვე ექვსი გოლი გაიტანა და ვიცით, რომ კარგად თამაში შეუძლია. მას სჭირდება თანაგუნდელები, რომლებიც გოლის გატანაში დაეხმარებიან. გვსურს, რომ გულშემატკივრებისთის ვითამაშოთ და ეს კარგად გავაკეთოთ.

რაფინია გუნდისთის ყველაფერს აკეთებს და ეს ყველაზე მნიშვნელოვანია.

ბარსელონასა და ხეტაფეს მატჩი თბილისის დროით 23:00 საათზე დაიწყება.

აქვე გეტყვით, რომ ექვსი ტურის შემდეგ, კატალონიელები ლა ლიგის სატურნირო ცხრილს 18 ქულით ერთპიროვნულად ლიდერობენ.

ფლიკი: "სხვაგვარად ქმედება მოგვიწევს"

ბარსელონა ხეტაფეს უმასპინძლებს

უახლესი ამბები