"არისტოკრატების" 22 წლის ინგლისელმა შემტევმა, კოულ პალმერმა, კითხვაზე თუ ვინ არის მსოფლიოს საუკეთესო ფეხბურთელი დღეისათვის, შემდეგი პასუხი გასცა:

ვინისიუს ჟუნიორი ან კილიან მბაპე. თუ ამ ორიდან მხოლოდ ერთის არჩევა მომიწევს, მაშინ მბაპეს დავასახელებ.

მოგახსენებთ, რომ რამდენიმე დღის წინ, თავად პალმერი 2023-24 წლების სეზონის საუკეთესო ინგლისელ ფეხბურთელად დასახელდა. მიმდინარე სეზონში პალმერი საკმაოდ ეფექტურად გამოიყურება. მან საკლუბო დონეზე მონაწილეობა 9 მატჩში მიიღო. გაიტანა 6 გოლი და მიითვალა 5 საგოლე გადაცემა. გასულ სეზონში კი მან ყველა ტურნირზე ჯამურად 45 შეხვედრა ჩაატარა. გაიტანა 25 გოლი და 15 ასისტი შეასრულა.

ამჟამად 22 წლის ფეხბურთელი ლონდონის ჩელსის საკუთრებას წარმოადგენს, მას "არისტოკრატებთან" კონტრაქტი 2033 წლამდე აქვს გაფორმებული. Transfermarkt-ის შეფასებით კი მისი ღირებულება 90 მილიონი ევრო გახლავთ.

პალმერმა მსოფლიოს საუკეთესო ფეხბურთელი დაასახელა

ჩელსის ინგლისელმა შემტევმა კილიან მბაპე გამოყო

უახლესი ამბები