UFC-ს ქვემსუბუქი წონის ქართველი მოქმედი ჩემპიონი, ილია თოფურია, 26 ოქტომბერს ქამარს BMF ქამრის ამჟამინდელ მფლობელთან, მაქს ჰოლოუეისთან დაიცავს. UFC 308-ის ღონისძიებამდე ორი დღით ადრე, ილია მედიის წარმომადგენლებს შეხვდა, სადაც მაქსთან ჩასატარებელ ბრძოლაზე ისაუბრა:

ჩემი დებიუტი UFC-ში სწორედ აქ, აბუ დაბიში შედგა და ერთი სული მაქვს, რომ ხალხის წინაშე მორიგი ტრიუმფი ვიზეიმო.

მაქსი რეალურად კარგი სტრაიკერია. საქმე მხოლოდ კრივში არ არის და სამარცხვინოა, როდესაც საკუთარ თავს UFC-იში საუკეთესო მოკრივეს უწოდებს, რადგან საუკეთესო ნამდვილად არ არის. ის საკმაოდ გამოცდილია და ოქტაგონზე მოთმინების უნარითაც გამოირჩევა.

კარგი როდესაც შენი სტილი გაქვს და მოწინააღმდეგე შენს სტილში ბრძოლას გაცდის და არ მიმართავს პრესინგს, რაც ჩემთან არ მოხდება. შაბათს ის ისეთ რაღაცას იგრძნობს, რაც არასდროს არავისგან უგრძვნია.

მართალი გითხრათ, ქვემსუბუქ წონას საკმაოდ ბევრი დიდი ფიგურა ჰყავს: ჟოზე ალდო, ვოლკი, მაქს ჰოლოუეი და სხვები. ახლა კი ჩემი დროა და მე ახალ თაობას წარმოვადგენ.

ალექსანდრ ვოლკანოვსკისთან ავსტრალიაში ბრძოლას არ ვაპირებ. ჩემპიონი ვარ და თუ ბრძოლა კვლავ გსურს, მადრიდში გაიმართება და არა ავსტრალიაში საკუთარი გულშემატკივრის წინაშე. მსგავსი უპირატესობა რატომ უნდა მოგცე?

მახაჩევი? უმთავრესად კონცენტრაციას ამ ბრძოლაზე ვახდენ. მსურს აღვნიშნო, რომ მე თუ ისლამთან ჩხუბი მსურს, არ ნიშნავს დაღესტნელ ხალხთან პრობლემა მაქვს. მათ დიდ პატივს ვცემ. იმ შემთხვევაში თუ UFC ისურვებს, რომ მსუბუქ წონაში ავიდე, ამას გავაკეთებ და პირველი ვიქნები, ვინც ისლამს შებოჭავს.

[html]

Topuria mete a Holloway entre los mejores 145 de la historia, pero se reivindica:

💬 "Han sido grandes figuras en la división del peso pluma: Volkanovski, Aldo, Max... Pero ahora es mi momento, represento a la nueva generación"#UFC308 | #UFCMax https://t.co/FZ97Mob4q0
— Eurosport.es (@Eurosport_ES) October 24, 2024

[/html]

ილია თოფურია: "მაქსი ჩემგან განსხვავებულ ზეწოლას იგრძნობს"

UFC-ს ქართველ ჩემპიონს მახაჩევთან ბრძოლა სურს

უახლესი ამბები