3 დეკემბერს, ბრატისლავაში 2025 წლის ახალგაზრდული ევროპის ჩემპიონატის წილისყრა გაიმართა და გაირკვა მეტოქეები, ვის წინააღმდეგაც საქართველოს 21-წლამდე ნაკრები ჯგუფური ეტაპის ფარგლებშ ითამაშებს.

რამაზ სვანაძის გუნდი C ჯგუფში მოხვდა, სადაც კონკურენტებად პორტუგალია, საფრანგეთი და პოლონეთი ეყოლება.

პირველ მატჩს საქართველოს ახალგაზრდული ნაკრები 11 ივნისს, პოლონეთის წინააღმდეგ გამართავს. შეხვედრა თბილისის დროით 23:00 საათზე დაიწყება. მეორე ტურში კი ჩვენი გუნდი საფრანგეთის წინააღმდეგ 14 ივნისს (23:00 სთ.) ითამაშებს. ხოლო, ჯგუფური ეტაპის დასკვნით ტურში ქართველები პორტუგალიას 17 ივნისს, 20:00 საათზე დაუპირისპირდებიან. პირველ ორ შეხვედრას საქართველოს ახალგაზრდული ნაკრები ქალაქ ჟილინაში ჩაატარებს. მესამე მატჩი კი ტრენჩინშ გაიმართება.

შეგახსენებთ, რომ პლეი ოფში ოთხი ჯგუფიდან ორ-ორი საუკეთესო გუნდი გავა.

2025 წლის ევროპის ჩემპიონატს სლოვაკეთი 11-დან 28 ივნისის ჩათვლით უმასპინძლებს.

საქართველოს 21-წლამდე ნაკრების განრიგი ევრო 2025-ზე

საქართველო პირველ მატჩს პოლონეთთან გამართავს

უახლესი ამბები