რამდენიმე დღის წინ, იტალიურ მედიაში გავრცელდა ინფორმაცია, რომ ნაპოლის მთავარ მწვრთნელ, ანტონიო კონტეს ხვიჩა კვარაცხელიას შემცვლელად ალეხანდრო გარნაჩოს დამატება სურს.

Sky Sport-ის ცნობით, მანჩესტერ იუნაიტედი 20 წლის არგენტინელ შემტევს სავარაუდოდ 60-70 მილიონ ევროზე ნაკლებად არ შეელევა. Transfermarkt-ის შეფასებით კი ფეხბურთელის ღირებულება 50 მილიონი გახლავთ და მას "წითელ ეშმაკებთან" კონტრაქტი 2028 წლის ზაფხულამდე აკავშირებს.

მიმდინარე სეზონში გარნაჩომ მანჩესტერის რიგებში მონაწილეობა ამ დრომდე ყველა ტურნირზე ერთად, 30 მატჩში მიიღო. თავი კი 8 გატანილი გოლითა და 5 საგოლე გადაცემის შესრულებით გამოიჩინა.

აქვე მოგახსენებთ, რომ გარნაჩო მანჩესტერს ატლეტიკოს ახალგაზრდული გუნდიდან 2020 წელს შეუერთდა და ინგლისური გრანდის 18 და 23-წლამდელთა გუნდში ირიცხებოდა, ხოლო მთავარ შემადგენლობას 2022 წლის ზაფხულში შეუერთდა.

Sky Sport: მანჩესტერი გარნაჩოს 60-70 მილიონზე ნაკლებად არ დათმობს

ანტონიო კონტეს კვარაცხელიას შემცვლელად გარნაჩო სურს

უახლესი ამბები