გერმანიის ბუნდესლიგის მე-17 ტურის ეგიდით, ბუდუ ზივზივაძის ჰაიდენჰაიმი სტუმრად ვერდერს დაუპირისპირდა. ქართველმა შემტევმა, რომელიც ჰაიდენჰაიმის ახალწვეულია, ამ გუნდის რიგებში მეორე მატჩი გამართა და კვლავ ძირითად შემადგენლობაში მოგვევლინა.

ანგარიში მასპინძლებმა პირველსავე წუთზე მარკო გრულის გოლით გახსნეს, ხოლო 30-ე წუთზე სტუმართა მხრიდან იან შოპნერმა წონასწორობა აღადგინა და გუნდები შესვენებაზე ფრით გავიდნენ.

მატჩის მეორე ნახევარიც საკმაოდ საინტერესოდ წარიმართა. 57-ე წუთე მარვინ დუკშმა ვერდერი წინ გაიყვანა, მაგრამ დაახლოებით 4 წუთში, ბუდუ ზივზივაძის პასით ანგარიში ლუკა კერბერმა გაათანაბრა. ამ უხვგოლიან შეხვედრაში მორიგი გოლისა და დუბლის ავტორი ვერდერის რიგებიდან მარკო გრული გახდა, რომელმაც ანგარიში 3:2 გახადა, თუმცა ყველაფერი ამით არ დასრულებულა.

90+5-ე წუთზე ლეო სკიენზამ საჯარიმო დარტყმით ანგარიში 3:3 გახადა და ტაბლოზე საბოლოო ანგარიშიც დააფიქსირა! ამ მომენტისთვის ჰაიდენჰაიმს 14 ქულა დაუგროვდა და სატურნირო ცხრილში მე-15 ადგილს იკავებს. მომდევნო დაპირისპირება ბუდუს გუნდს 18 იანვარს შინ სანქტ პაულთან ელის და ის თბილისის დროით 18:30 საათზე დაიწყება!

კროკობეთი ჰაიდენჰაიმის რეგიონალური პარტნიორია - მედია პარტნიორი Croco.ge!

ზივზივაძის პირველი ასისტი ბუნდესლიგაში და უხვგოლიანი ფრე ვერდერთან

ვერდერი 3:3 ჰაიდენჰაიმი

ბუდუმ პირველი საგოლე გადაცემა შეასრულა

უახლესი ამბები