უეფას ჩემპიონთა ლიგის 2024/25 წლების სეზონი, რომელიც განახლებული ფორმატით პირველად ტარდება, ლიგის ფაზა დასრულდა და პლეი ოფის ყველა მონაწილე გუნდი გაირკვა.

ყველაზე პრესტიჟული საკლუბო ტურნირის ისტორიაში პიველად იყო, რომ ჯგუფური ეტაპის ნაცვლად, საერთო, 36-გუნდიანი ლიგა შედგა, სადაც თითოეულმა გუნდმა რვა სხვადასხვა მეტოქესთან ოთხი საშინაო და ამდენივე გასვლითი მატჩი გამართა.

უეფას წესების თანახმად, რვა კლუბმა, რომლებმაც ყველაზე მეტი ქულა მოაგროვეს, პირდაპირ მერვედფინალური ეტაპის საგზური მოიპოვეს. 9-24-ადგილოსნები კი მერვედფინალისთვის პლეი ოფში იბრძოლებენ. ხოლო, დანარჩენი გუნდები ევროთასებს გამოეთიშნენ.

ლიგის ფაზა ლივერპულმა მოიგო, რომელმაც შვიდი მატჩი მოიგო და 21 ქულით პირველი ადგილი დაიკავა. მერსისაიდელებთან ერთად, მერვედფინალში ბარსელონა, არსენალი, ინტერი, ატლეტიკო, ლევერკუზენი, ლილი და ასტონ ვილა გავიდნენ.

პლეი ინში თამაშის უფლება ატალანტამ, დორტმუნდმა, რეალმა, ბაიერნმა, მილანმა, პსვ ეინდჰოვენმა, პარი სენ-ჟერმენმა, ბენფიკამ, მონაკომ, ბრესტმა, ფეიენოორდმა, იუვენტუსმა, სელტიკმა, მანჩესტერ სიტიმ, სპორტინგმა და ბრიუგემ მოიპოვეს.

ირაკლი აზაროვის შახტარმა 27-ე დაიკავა. ოთარ კიტეიშვილის შტურმმა - 30-ე. ხოლო, გურამ კაშიას სლოვანმა - 35-ე. ასევე, ევროტურნირები დინამო ზაგრებისთვის, შტუტგარტისთის, ბოლონიასთვის, ცრვენა ზვეზდასთვის, სპარტასთვის, ლაიპციგისთის, ჟირონასთვის, ზალცბურგისთის და იანგ ბოიზისთვის დასრულდა.

აქვე გეტყვით, რომ პლეი ინისა და პლეი ოფის ეტაპის წილისყრა პარასკევს, 31 იანვარს გაიმართება.

ლიგის ფაზა ლივერპულმა მოიგო - პლეი ოფის ყველა მონაწილე ცნობილია

ქართველების კლუბები ჩემპიონთა ლიგას გამოეთიშნენ

უახლესი ამბები