კვირას, 23 თებერვალს საფრანგეთის ლიგა 1-ის ტურის ცენტრალურ მატჩში გიორგი მიქაუტაძის ლიონი ხვიჩა კვარაცხელიას პარი სენ-ჟერმენს უმასპინძლებს. ლიონის თავკაცმა, პაულუ ფონსეკამ მატჩის წინა პრესკონფერენციაზე განაცხადა, რომ ლაკაზეტი ჯერ ბოლომდე მზად არ არის. შესაბამისად, ივარაუდება, რომ სასტარტო შემადგენლობაში პორტუგალიელი სპეციალისტი მიქაუტაძეს გაამწესებს.

შანსი იმისა, რომ კვარაცხელია პარიზელთა ძირითადში იქნება, ასევე საკმაოდ მაღალია. მან ლიგა 1-ში გამართული ოთხივე მატჩი ძირითადში დაიწყო, რაც იმას ნიშნავს, რომ დიდი ალბათობით, ხვალ ქართველი შემტევების დუელს პირველივე წუთებიდან ვიხილავთ.

ლიონისა და პარი სენ-ჟერმენის დაპირისპირება 23 თებერვალს, თბილისის დროით 23:45 საათზე დაიწყება. აქვე მოგახსენებთ, რომ ამ მომენტისთვის პსჟ ლიგა 1-ს 56 ქულით ლიდერობს, ხოლო ლიონს 36 ქულით მეექვსე პოზიცია უკავია.

მიქაუტაძე VS კვარაცხელია პირველივე წუთებიდან?!

23 თებერვალს ლიონი პარი სენ-ჟერმენს უმასპინძლებს

უახლესი ამბები