უეფას ჩემპიონთა ლიგის მერვედფინალური ეტაპის პირველ მატჩში პარი სენ-ჟერმენმა "პარკ დე პრენსზე" ლივერპულს უმასპინძლა და მინიმალური ანგარიშით, 0-1 დამარცხდა.

აღსანიშნავია, რომ მთელი შეხვედრის განმავლობაში პარიზელები უდიდეს უპირატესობას ფლობდნენ და მეტოქის კარის მიმართულებით 27 დარტყმა განახორციელეს. პასუხად კი მერსისაიდელებმა დონარუმას კარისკენ მხოლოდ ორჯერ დაარტყეს და 87-ე წუთზე, ჰარვი ელიოტის გოლით მოიგეს.

დღეს ბევრი მომენტი შევქმენით და მეტოქეს ვაჩვენეთ, რომ მათზე უკეთესი გუნდი ვიყავით. მოგებას ან ფრეს მაინც ვიმსახურებდით, მაგრამ ასეთია ფეხბურთი. "ენფილდზე" გასამართი მატჩისთის მოვემზადებით და ვეცდებით, რომ იგივე თამაში ვაჩვენოთ და გოლი გავიტანოთ.

მეწყინა გოლი რომ გაუქმდა, მაგრამ მუშაობა უნდა გავაგრძელოთ და სასურველი შედეგი აუცილებლად მოვა, - თქვა კვარამ ლივერპულთან მატჩის შემდეგ.

შეგახსენებთ, რომ მე-20 წუთზე ხვიჩა კვარაცხელიამ ლივერპულს გოლი გაუტანა, თუმცა ეპიზოდის VAR-ზე გადამოწმების შემდეგ, გოლი თამაშგარის გამო გაუქმდა.

ლივერპულისა და პარი სენ-ჟერმენის საპასუხო მატჩი "ენფილდ როუდზე" 11 მარტს გაიმართება და თბილისის დროით 23:55 საათზე დაიწყება.

კვარაცხელია: "წაგებას არ ვიმსახურებდით"

პსჟ ლივერპულთან დამარცხდა

უახლესი ამბები