5 აპრილს საფრანგეთის ლიგა 1-ის 28-ე ტურის ეგიდით, ლუის ენრიკეს დარიგებული პარი სენ-ჟერმენი საკუთარ მოედანზე ანჟეს დაუპირისპირდა. იმისთვის, რომ მასპინძლებს საფრანგეთის ჩემპიონობა გაენაღდებინათ, ამ შეხვედრაში მინიმუმ ფრე უნდა დაეფიქსირებინათ.

ქართველმა შემტევმა, ხვიჩა კვარაცხელიამ ამ მატჩში თამაში სასტარტო შემადგენლობაში დაიწყო და ის 55-ე წუთზე საგოლე გადაცემის ავტორიც გახდა. ანგარიში დუემ სწორედ მისი პასით გახსნა. ამის შემდეგ კი ანგარიში აღარ შეცვლილა, რაც იმას ნიშნავს, რომ პსჟ-მ 1:0 იმარჯვა და ჩემპიონობაც ოფიციალურად გაინაღდა.

ხვიჩა კვარაცხელია იტალიის შემდეგ, საფრანგეთის ჩემპიონიც გახდა. ქართველ ფეხბურთელს ახლა ევროპის ტოპ 5 ჩემპიონატიდან 2 უკვე მოგებული აქვს. მოგახსენებთ იმასაც, რომ კვარაცხელია ანჟესთან მატჩის საუკეთესო მოთამაშე გახდა.

პსჟ ლიგა 1-ის გამარჯვებული ზედიზედ მეოთხედ, ისტორიაში კი მე-13-ედ გახდა. ლუის ენრიკეს გუნდი მიმდინარე სეზონში ასპარეზობას ჩემპიონთა ლიგასა და საფრანგეთის თასზეც აგრძელებს. ისინი თასის ფინალში არიან, ხოლო ჩემპიონთა ლიგაზე მეოთხედფინალში მეტოქედ ასტონ ვილა ეყოლებათ. პარიზელები ზაფხულში მსოფლიოს საკლუბო ჩემპიონატზეც იასპარეზებენ.

კვარაცხელიას პსჟ საფრანგეთის ჩემპიონია

პარიზელებმა ანჟე დაამარცხეს და ჩემპიონობა გაინაღდეს

უახლესი ამბები