საფრანგეთის ლიგა 1-ის ეგიდით გამართულ მატჩში, გიორგი მიქაუტაძის ლიონმა ლილს უმასპინძლა. ქართველ ფეხბურთელს თამაში სასტარტო შემადგენლობაში არ დაუწყია. ის თამაშში 68-ე წუთიდან ჩაერთო და ლაკაზეტი ჩაანაცვლა.

ანგარიში სტუმრებმა გახსნეს. პირველივე წუთზე ლილი ბაფოდე დიაკიტემ დააწინაურა. 38-ე წუთზე კი ლაკაზეტმა პენალტი გამოიყენა და წონასწორობა აღადგინა.

ლიონს გამარჯვება 70-ე წუთზე გატანილი გოლით რაიან ჩერკიმ მოუტანა. გიორგი მიქაუტაძემ საფრანგეთის ლიგა 1-ში დღეს რიგით 50-ე შეხვედრა გამართა, რომელიც გამარჯვებით დააგვირგვინა.

ამ გამარჯვების შედეგად ლიონს 48 ქულა დაუგროვდა და სატურნირო ცხრილში ამ მომენტისთვის მეოთხე ადგილს იკავებს. გუნდი მომდევნო მატჩს უკვე ევროპა ლიგის ეგიდით გამართავს, სადაც მანჩესტერ იუნაიტედს უმასპინძლებს. ეს შეხვედრა 10 აპრილს, თბილისის დროით 23:00 საათზე დაიწყება.

მიქაუტაძის 50-ე მატჩი ლიგა 1-ში და გამარჯვება ლილთან

ლიონი 2:1 ლილი

უახლესი ამბები