უეფას ჩემპიონთა ლიგის ნახევარფინალური ეტაპის პირველ შეხვედრაში პარი სენ-ჟერმენი "ემირეითს სთედიუმზე" ლონდონის არსენალს ესტუმრება.

მატჩამდე რამდენიმე საათით ადრე, პარიზელთა მთავარმა მწვრთნელმა, ლუის ენრიკემ პრესკონფერენციაზე ჟურნალისტების კითხვებს უპასუხა:

არსენალი ევროპის ერთ-ერთი უძლიერესი კლუბია, რომელმაც თავის მწვრთნელთან ერთად უდიდესი სამუშაო გასწია. ამ ეტაპზე ყოფნას ყველანი ვიმსახურებთ. მე ყველაზე მეტად პსჟ მომწონს და აქ ამიტომაც ვარ. ზოგს კი შეიძლება არსენალი მოწონდეს - ეს ცხოვრების ნაწილია.

ჯგუფური პაზისგან განსხვავებით, ახლა უფრო სრულყოფილი გუნდი ვართ და გვსურს, რომ ისტორიის ახალი ფურცელი დავწეროთ. როდესაც არსენალთან დავმარცხდით, 1-ლი ოქტომბერი იყო. მას შემდეგ, შვიდი თვე გავიდა და ახლა განსხვავებული მდგომარეობაა. ამ მატჩს თავიდან ვუყურე და პროგრესი აშკარაა. ახლა უკეთესი გუნდი ვართ და ეს ტურნირზეც ვაჩვენეთ. ლიგის ფაზა ჩვენთვის რთული იყო, მაგრამ ახლა ნახევარფინალში ვართ. ის ეტაპი პროგრესში ძალიან დაგვეხმარა.

რაღაც ასპექტში არსენალი და პარი სენ-ჟერმენი ერთმანეთს ჰგვანან. ესენი არიან გუნდები, რომელთაც ერთდროულად შეუძლიათ როგორც შეტევაში, ასევე დაცვაში თამაში. არის თუ არა არსენალი ყველაზე ძლიერი გუნდი, ვის წინააღმდეგაც გვითამაშია? ამის თქმა რთულია, მაგრამ ერთ-ერთი საუკეთესო ნამდვილად არის, ისევე, როგორც ჩვენ. განწყობა განსაკუთრებულია. მე ჯგუფში ყველაზე სევდიანი ადამიანი ვარ, ასე რომ წარმოიდგინეთ, რას გრძნობენ სხვები.

[html]

🎙️ Luis Enrique : « Notre but est d'écrire une page de l'histoire et cela passe par cette double confrontation face à Arsenal. »#ARSPSG | #UCL pic.twitter.com/4ZXv5HwBpX
— Paris Saint-Germain (@PSG_inside) April 28, 2025

[/html]

ლუის ენრიკე: "არსენალი და პარი სენ-ჟერმენი ერთმანეთს ჰგვანან"

პსჟ არსენალს ესტუმრება

მატჩი 23:00 საათზე დაიწყება

უახლესი ამბები