ეროვნული ლიგის ეგიდით გამართულ მორიგ მატჩში, თბილისის დინამომ ქუთაისის ტორპედოს უმასპინძლა და 2:0 დაამარცხა. გატანილი გოლებით თავი თორნიკე მორჩილაძემ და ლეო ასუნსეუმ გამოიჩინეს.

მატის ბოლოს, ფეხბურთელებს შორის მომხდარი დაპირისპირების გამო, რომელიც ჩხუბში გადაიზარდა, მსაჯმა 9 ფეხბურთელს წითელი ბარათი უჩვენა. დინამოელთა მხრიდან წითელი ხუთმა მოთამაშემ მიიღო. მათ შორის არიან თორნიკე მორჩილაძე, საბა ხვადაგიანი, თეიმურაზ ოდიკაძე, ცოტნე ბერელიძე და მიხეილ მაქაცარია, ხოლო სტუმარი გუნდის რიგებში ფელიპე პირესი, ერიკ პიმენტელი, ჟოუ კამარგო და კისლე ზიტა გააძევეს. გარდა ამისა, მსაჯმა 7 ყვითელი ბარათიც დააფიქსირა.

ცნობისთვის, 1990 წლიდან მოყოლებული, ეს ამ გუნდების 95-ე ურთიერთშეხვედრა იყო. დედაქალაქურმა კლუბმა 50-ე გამარჯვება მიითვალა, 25 მატჩში ფრე დაფიქსირდა და 20 ტორპედოს გამარჯვებით დასრულდა. ბურთების შეფარდება კი 154:83-ზე დინამოელთა სასარგებლოდ.

დინამო თბილისმა ტორპედო დაამარცხა - მსაჯმა 9 ფეხბურთელი წითელი ბარათით დასაჯა!

დინამო თბილისი 2:0 ტორპედო

უახლესი ამბები