საქართველოს 21-წლამდე ნაკრებმა 2025 წლის ახალგაზრულ ევროპის ჩემპიონატზე პირველი მატჩი გამართა და სამი ქულა მოიპოვა.

რამაზ სვანაძის გუნდი ჯგუფურიეტაპის პირველ ტურში პოლონეთის ახალგაზრდულ ნაკრებს ჟილინაში დაუპირისპირდა და 2:1 გაიმარჯვა.

შეხვედრის პირველ ნახევარში ტერიტორიულ უპირატესობას ქართველი ფეხბურთელები ფლობდნენ, თუმცა სახიფათო მომენტებს პოლონელები უფრო ქმნიდნენ და ხარატიშვილის კარი ორჯერ ძელმა გადაარჩინა.

მატჩის მეორე ტაიმში კი ქართველებმა უპირატესობა გატანილ გოლში გადაზარდეს. კუთხურიდან მოწოდებულ ბურთი პოლონელებმა ცუდად მოიგერიეს და შემთხვევით ნოდარ ლომინაძემ ისარგებლა, რომელმაც 55-ე წუთზე ანგარიში გახსნა. დაახლოებით ოც წუთში კი ჩვენმა მეტოქემ პენალტის შესრულების უფლება მოიპოვა და წონასწორობა აღადგინეს, თუმცა 93-ე წუთზე, შეცვლაზე შემოსულმა ვასილიოს გორდეზიანმა საქართველოსთვის გამარჯვების გოლი გაიტანა და გუნდს სამი ქულა მოუპოვა.

აქვე დავძენთ, რომ ჩვენს ჯგუფში, პორტუგალიისა და საფრანგეთს 21-წლამდელთა ნაკრებების მატჩი ფრედ დასრულდა და პირველი ტურის შემდეგ, საქართველოს ნაკრები ჯგუფში ერთპიროვნული ლიდერია. მომდევნო მატჩს კი სვანაძის გუნდი 14 ივნისს, საფრანგეთის წინააღმდეგ გამართავს, რომელიც თბილისის დროით 23:00 საათზე დაიწყება.

ევრო U21 - საქართველო გამარჯვებით იწყებს

საქართველომ პოლონეთი დაამარცხა

უახლესი ამბები