მსოფლიოს საკლუბო ჩემპიონატზე ჩემპიონთა ლიგისა და ლიგა 1-ის ჩემპიონმა, პარი სენ-ჟერმენმა პირველი მატჩი მადრიდის ატლეტიკოს წინააღმდეგ გამართა. ლუის ენრიკეს გუნდმა მარტივი გამარჯვება მოიპოვა. პარიზელებმა მადრიდელებს 4 უპასუხო გოლი გაუტანეს.

ამ მატჩის პირველსავე ნახევარში ქართველმა შემტევმა, ხვიჩა კვარაცხელიამ, რომელმაც თამაში სასტარტო შემადგენლობაში დაიწყო ასისტების დუბლი მიითვალა.

ხვიჩა 72-ე წუთზე შეცვალეს. ამის შემდეგ კი მაიულუსა და ლი კანგ-ინის გოლებიც ვიხილეთ. სიმეონეს გუნდმა მსოფლიოს საკლუბო ჩემპიონატზე გამოსვლა მძიმე მარცხით დაიწყო.

პსჟ მეორე შეხვედრას ამ ტურნირზე 20 ივნისს, თბილისის დროით 05:00 საათზე ჩაატარებს და ბოტაფოგოს დამარცხებას შეეცდება, ხოლო ესპანელთა მორიგი მეტოქე სიეტლ საუნდერსი იქნება, რომელსაც 20 ივნისს, 02:00 საათიდან შეხვდებიან.

Entrée réussie dans la compétition 🎯#FIFACWC pic.twitter.com/SrCyuakF7T
— Paris Saint-Germain (@PSG_inside) June 15, 2025

კვარაცხელიას ორი ასისტი - პარიზელებმა ატლეტიკო გაანადგურეს

პსჟ 4:0 ატლეტიკო

უახლესი ამბები