15 ივნისიდან 13 ივლისის ჩათვლით, მსოფლიოს საკლუბო ჩემპიონატი იმართება. მონაწილე კლუბებმა ჯგუფურ ეტაპზე გამოსვლა უკვე დაასრულეს და ამიერიდან ისინი პლე ოფიში იასპარეზებენ.

ამ საკითხზე კომენტარი კატალონიის ბარსელონას ბრაზილიელმა შემტევმა, რაფინიამ გააკეთა. ის თვლის, რომ ფეხბურთელებს ისედაც დატვირთული სეზონის შემდეგ, საკმარისი დრო დასასვენებლად არ ეძლევათ. ცნობისთვის, ამჯერად ბარსელონა აღნიშნულ ტურნირზე ვერ მოხვდა.

რაფინია

მსოფლიოს საკლუბო ჩემპიონატი? სამარცხვინოა, რომ ფეხბურთელებს არდადეგებზე უარის თქმა უწევთ იმის გამო, რომ ამ ტურნირზე იასპარეზონ. ფეხბურთელების აზრი არც კი აინტერესებთ. მათთვის არავის უკითხავთ, უნდოდათ თუ არა თამაში.

აღსანიშნავია, რომ მსოფლიოს საკლუბო ჩემპიონატი ახალი ფორმატით ტარდება და ამიერიდან ის ყოველ ოთხ წელიწადში ერთხელ გაიმართება.

რაფინია: "ფეხბურთელების აზრი არც კი აინტერესებთ"

რაფინიამ მსოფლიოს საკლუბო ჩემპიონატზე ისაუბრა

უახლესი ამბები