პორტუგალიის ეროვნული ნაკრებისა და ლივერპულის შემტევი, დიოგუ ჟოტა 28 წლის ასაკში გარდაიცვალა.

ესპანურ მედიაში გავრცელებული ინფორმაციის მიხედვით, ფეხბურთელის სიცოცხლე ესპანეთში, სამორას პროვინციაში მომხდარ ავტოკატასტროფას ემსხვერპლა. ასევე, ჟოტასთან ერთად, მისი 26 წლის ძმა გარდაიცვალა.

შეგახსენებთ, რომ პორტუგალიელი ფეხბურთელი ლივერპულში 2020 წლიდან თამაშობდა და "წითლების" რიგებში პრემიერლიგის, ასოციაციის თასისა და ლიგის თასის გამარჯვებული გახდა.

დიოგუ ჟოტამ პროფესიონალური კარიერა პაკოშ დე ფერეირაში 2014 წელს დაიწყო, რის შემდეგაც ის პორტუსა და ვულვერჰემპტონ უონდერერსში თამაშობდა. პორტუგალიის ეროვნულ ნაკრებში კი დებიუტი მას 2019 წელს ჰქონდა.

დიოგუ ჟოტა გარდაიცვალა

ჟოტა ავტოკატასტროფაში გარდაიცვალა

უახლესი ამბები