იტალიის ფეხბურთის ფედერაციამ ოფიციალურად დაადასტურა, რომ ბრეშამ 2025/26 წლების სეზონში სერია C-ში მონაწილეობისთვის ლიცენზია ვერ მიიღო და იტალიის პროფესიონალური ლიგებიდან მოიკვეთა.

შესაბამისად, კლუბი ბანკროტად გამოცხადდა და სამოყვარულო ლიგაში დაქვეითდა.

ადრე გავრცელებული ინფორმაციის მიხედვით, ბრეშას მფლობელმა, მასიმო ჩელინომ კლუბის ანგარიშზე 3 მილიონი ევროს ოდენობით თანხის შეტანაზე უარი განაცხადა, რაც თანამშრომლებისთვის დავალიანების გადასახდელად იყო საჭირო.

ფედერაციის პრესრელიზში კლუბის პრობლემებს შორისაა: ლიგის წინაშე იანვარში გადასახდელი 1.1 მილიონი ევროს ოდენობის ვალის გადაუხდელობა, თანამშრომლებისთვის, მათ შორის ფეხბურთელებისთვის, მწვრთნელებისა და კლუბის პერსონალისთვის 2025 წლის მარტისა და აპრილის ხელფასების გადაუხდელობა. ასევე, სხვა ფინანსური და ადმინისტრაციული დავალიანებები.

შეგახსენებთ, რომ ბრეშა სერია B-ში გასული სეზონის შემდეგ დაქვეითდა. 1911 წელს დაარსებულმა კლუბმა უმაღლეს დივიზიონში სულ 23 სეზონი გაატარა. გუნდმა სერია A-ში ბოლოს 2019/20 წლების სეზონში ითამაშა.

ბრეშა პროფესიონალური ლიგიდან მოკვეთეს

ბრეშა სამოყვარულო ლიგაში დაქვეითდა

უახლესი ამბები