კროკობეთსა და დინამო თბილისს შორის სასპონსორო ხელშეკრულება გაფორმდა, რომლის თანახმადაც დინამო თბილისის სპონსორი კროკობეთი, ხოლო მეადიაპარტნიორი Croco.ge გახდა.

დინამო თბილისი იუბილარია და 100 წლის გახდა. დედაქალაქური კლუბი 1925 წელს დაარსდა და როგორც შიდა ასპარეზზე, ასევე ქვეყნის ფარგლებს გარეთ, თავისი კვალი დატოვა.

მას შემდეგ, რაც საქართველომ დამოუკიდებლობა მოიპოვა და 1990 წელს პირველი ეროვნული ჩემპიონატი ჩატარდა, თბილისურმა კლუბმა 19-ჯერ იჩემპიონა, ხოლო 13 შემთხვევაში დავით ყიფიანის სახელობის თასი მოიგო.

დინამო თბილისმა ქართულ ფეხბურთს სახელი, ჯერ კიდევ ქვეყნის დამოუკიდებლობის მოპოვებამდე გაუთქვა. თბილისური კლუბი ორ-ორჯერ, სსრკ-ს ჩემპიონი (1964, 1978) და თასის მფლობელი (1976, 1979) გახდა. დინამოს ყველაზე დიდი გამარჯვება 1981 წელს უკავშირდება, როდესაც ნოდარ ახალკაცის გაწვრთნილმა გუნდმა, თასების თასის ფინალში, იენის კარლ ცაისი ანგარიშით 2-1 დაამარცხა.

აღსანიშნავია, რომ დინამომ 100 წლის იუბილესთან დაკაშირებით, ძირითად ფორმად, ლურჯ-თეთრ ფერებში გაწყობილი, ძველი სათამაშო მაისური დააბრუნა. კლუბმა ცოტა ხნის წინ, მესამე ფორმაც წარადგინა, რომელიც დედაქალაქთან დაკავშირებულ სიმბოლოებს შეიცავს. მასზე თბილისის მეტროს ხაზები, "დინამო არენა" და მდინარე მტკვარია დატანილი.

კროკობეთი მოხარულია ყველაზე დიდ ქართულ საფეხბურთო კლუბთან თანამშრომლობით და მიზნად ისახავს, რომ დინამო თბილისს საიუბილეო წელს წარმატების მიღწევაში დაეხმაროს. ამასთან ერთად კროკობეთი გულშემატკივრებს მომავალში არაერთ საინტერესო სიახლეს ჰპირდება.

ნიკო ადეიშვილი (კროკობეთის მარკეტინგის ხელმძღვანელი)

ჩვენთვის ისეთ ისტორიულ კლუბთან პარტნიორობა, როგორიც დინამო თბილისია, უდიდესი პატივია. ამ კლუბის ისტორია უკვე 100 წელს ითვლის.

ჩვენი თანამშრომლობით ბევრ მნიშვნელოვან და საინტერესო პროექტს განვახორციელებთ. ამ პარტნიორობით გვსურს კიდევ ერთხელ გავუსვათ ხაზი იმას, რომ კროკობეთი ყოველთვის იყო და მომავალშიც ქართული სპორტის ერთგული მხარდამჭერი დარჩება.

მოგახსენებთ, რომ კროკობეთი, წლების განმავლობაში არაერთი ქართული სპორტული კლუბის, ფედერაციისა თუ სპორტსმენის სპონსორი იყო, როგორც ქვეყნის შიგნით, ასევე მის საზღვრებს გარეთაც.

აღსანიშნავია, რომ ნაპოლისთან წარმატებული პარტნიორობის შემდეგ, 2025 წლის დასაწყისში, კროკობეთი ბუდუ ზივზივაძის ამჟამინდელი კლუბის, ჰაიდენჰაიმის რეგიონალური პარტნიორი გახდა.

დინამო თბილისის სპონსორია კროკობეთი - მედია პარტნიორი Croco.ge!

კროკობეთი დინამო თბილისის სპონსორი გახდა

დინამო თბილისი 100 წლის იუბილეს ზეიმობს

უახლესი ამბები