ღუდუშაური გაამართლეს
გოგონაიას ერთი შანსი

ეროვნული ლიგის გასული სეზონი სატურნირო ცხრილიდან გამომდინარე საკმაოდ დაძაბული და საინტერესო აღმოჩნდა. ჩემპიონი თბილისის დინამო გახდა, თუმცა მას ბათუმის დინამო, ფაქტობრივად, ბოლო ტურამდე ეპაექრებოდა.

2019 წელი ქართველ ქომაგებს ჩაწყობილი მატჩებითაც დაამახსოვრდებათ. გასული წლის მაისში ცნობლი გახდა, რომ ზღვისპირელებთან გამართული მატჩის შემდეგ, ვიტ ჯორჯიას გასახდელში სამართალდამცავებმა “ვეტერინარების“ რამდენიმე ფეხბურთელი დააკავეს.

ბრალდებულთა შორის ვიტელების კაპიტანი ჯონი შეროზიაც იყო: პაატა ღუდუშაური, გიორგი კიკნაველიძე, გიორგი გეთიაშვილი, ჯონი შეროზია და ნიკა მაისურაძე.

მომხდარი ფაქტის შემდეგ, შსს-მ ვიდეოც გაავრცელა და ყველაფერი ნათელი გახდა, თუმცა ღუდუშაურის საკითხი ამ დრომდე არ გადაწყვეტილა და რამდენიმე დღის წინ საბოლოო განაჩენი გახდა ცნობილი.

როგორც ირკვევა, საქალაქო სასამართლომ ვიტ ჯორჯიას ყოფილ ფეხბურთელ პაატა ღუდუშაურს, ბრალდება მოუხსნა. ახალგაზრდა მოთამაშეს, რომელსაც ფეხბურთის თამაში ჰქონდა აკრძალული, ტრიბუნალის სხდომასა ელოდება, რათა მოედანზე დაბრუნების უფლება მისცენ.

ღუდუშაურის საკითხი გაურკვეველი იყო და საბოლოოდ, ყველაფერს ნათელი მოეფინა, თუმცა გაუგებარი იყო ფოთის კოლხეთის ქმედება. ფინანსურ კრიზისში მყოფმა კლუბმა ლაშა გოგონაია 6-თვიანი პაუზის შემდეგ, დააბრუნა.

ლაშა მატჩების გაყიდვაში იყო მხილებული და ფეხბურთიდან დროებით მოკვეთეს. როგორც ჩანს, კრიზისში მყოფი ფოთელები ადვილად ეგუებიან კაპიტნის უღირს საქციელს და ერთ შანსს აძლევენ.

ასევე იხილეთ: ვიტ ჯორჯიას ფეხბურთელები დააკავეს

გაყიდულ თამაშებში ბრალდებულები ჩემპიონატში ბრუნდებიან!

უახლესი ამბები