საქართველოს მორაგბეთა ეროვნული ნაკრების წევრი, შალვა მამუკაშვილი კარიერას ინგლისში გააგრძელებს
ქართველმა მორაგბემ კონტრაქტი ლესტერ ტაიგერსთან გააფორმა

საქართველოს მორაგბეთა ეროვნული ნაკრების წევრი, შალვა მამუკაშვილი 2020/21 წლის სეზონიდან ინგლისურ კლუბ, ლესტერ ტაიგერსში ითამაშებს. ამის შესახებ ინფორმაციას კლუბის ოფიციალური ვებგვერდი ავრცელებს.

აღსანიშნავია, რომ ტაიგერსი ინგლისის პრემიერშიპის ყველაზე ტიტულოვანი გუნდია. ლესტერელებმა ტურნირი ჯამში ათჯერ მოიგეს. ისინი ასევე ინგლისის პრემიერშიპის ისტორიაში პირველი გამარჯვებულები არიან. თუმცა ქვეყნის ჩემპიონი ტაიგერსი ბოლოს 2012/13 წლების სეზონში გახდა.

ლესტერული კლუბის მთავარი მწვრთნელის, ჯორდან მერფის თქმით, ტაიგერსმა მამუკაშვილის სახით ძლიერი მოთამაშე დაიმატა და გულშემატკივრები გახარებულები უნდა იყვნენმისი მისვლითა და იმით, თუ რას მოუტანს მოედანზე იგი გუნდს.

✍️

We will welcome Georgian international Shalva Mamukashvili to the club ahead of the 2020/21 season.

ℹ️ https://t.co/a7hDzgwxIQ pic.twitter.com/giVwGU0Bp6
— Leicester Tigers (@LeicesterTigers) March 2, 2020

თავად მამუკაშვილი კი ამბობს, რომ მზად არის ტაიგერსისთვის ასი პროცენტით დაიხარჯოს.

"მოტივირებული ვარ, რათა გუნდისთვის 100 პროცენტით დავიხარჯო და ტაიგერსს კარგი სეზონი ჰქონდეს. მოედანზე ბოლომდე დავიხარჯები და ყველაფერს გავაკეთებ იმისთვის, რომ გუნდს დავეხმარო", - განაცხადა მამუკაშვილმა.

შეგახსენებთ, რომ 2019 წლის მსოფლიო ჩემპიონატამდე შალვა მამუკაშვილი ენისეიში ირიცხებოდა. მანამდე კი მას არაერთ ტოპ ჩემპიონატში, მათ შორის, ინგლისში, შოტლანდიასა და საფრანგეთში უთამაშია.

ცნობისთვის, ინგლისის პრემიერშიპის მეთორმეტე ტურის შემდეგ, ლესტერ ტაიგერსი ოცი ქულით მეთერთმეტე ადგილზეა. მიმდინარე სეზონში ლესტერულმა გუნდმა ოთხი სეხვედრა მოიგო, ერთი ფრედ დაასრულა, ხოლო შვიდი წააგო.

ასევე იხილეთ: VIDEO | კურიოზული გარდასახვა საქართველოს ჩემპიონატში

შალვა მამუკაშვილი კარიერას პრემიერშიპის ყველაზე ტიტულოვან კლუბში გააგრძელებს

ასევე იხილეთ

უახლესი ამბები