კლერმონი ქართველი ლეგიონერების გარეშე რჩება
კაკაბაძის ახალი კლუბი ცნობილია

კლერმონის ქართველი ლეგენდა, დავით ზირაქაშვილი სულ მალე კარიერას დაასრულებს, ხოლო ბექა კაკაბაძე "სტად მარსელ მიშელინს" დატოვებს და ოიონას მაისურს მოირგებს.

ფრანგული კლუბის ოფიციალური ვებ–გვერდი იტყობინება, რომ ქართველმა ბურჯმა კონტრაქტს ხელი უკვე მოაწერა, რომლის თანახმადაც ის ოიონას შემადგენლობაში 2022 წლამდე იასპარეზებს.

24 წლის მარცხენა ბურჯი, მიმდინარე სეზონის დასრულებისთანავე კლერმონს დატოვებს. PRO D2–ში ოიონა ამ მომენტისთვის მეოთხე პოზიციას იკავებს. მის აქტივში 67 ქულა გახლავთ და ჯერაც აქვს იმის შანსი, რომ TOP 14-ში გადავიდეს.

ჩვენებურს კლერმონთან არსებული ხელშეკრულება 2021 წლამდე აკავშირებდა, თუმცა მხარეებმა შეთანხმებას მიაღწიეს. ქართველი ლეგიონერი იქ 2017 წელს ჩაირიცხა და 31 მატჩის ჩატარება მოასწრო.

ფრანგული მედია ქართველ მორაგბეს ხშირად კოლომიეს უკავშირებდა, თუმცა როგორც აღმოჩნდა, ეს მხოლოდ ჭორი იყო და რეალურად კაკაბაძე ოიონაში გადაბარგდება, რომელიც სატურნირო ცხრილში ხსენებულ კოლომიეს ათი ქულით ჩამორჩება.

ასევე იხილეთ: VIDEO | ხილის ბილიარდი ქართველი მორაგბის მონაწილეობით

ბექა კაკაბაძე კლერმონს ტოვებს – ახალი კლუბი უკვე ცნობილია!

უახლესი ამბები