საქართველოში ახალგაზრდა ფეხბურთელებს მეტ დროს აძლევენ, ვიდრე წამყვან ჩემპიონატებში
ქართული კლუბებიდან ახალგაზრდებს ყველაზე დიდ ნდობას რუსთავი უცხადებს

სპორტული კვლევების საერთაშორისო ცენტრმა CIES Football Observatory-მ გამოაქვეყნა სტატისტიკა, თუ რომელ ჩემპიონატში ეძლევა 22 წლამდე ასაკის ფეხბურთელებს ყველაზე მეტი სათამაშო დრო.

საქართველოს ეროვნული ლიგა ამ მაჩვენებლით მსოფლიოში მე-17 ადგილზეა და ისეთ ჩემპიონატებზე წინ დგას, როგორებიც ესპანეთის ლა ლიგა (59), იტალიის სერია ა (61), გერმანიის ბუნდესლიგა (66) და ინგლისის პრემიერლიგა (74) არიან.

ყველაზე მეტ სათამაშო დროს ახალგაზრდა ფეხბურთელებს სლოვაკეთის ჩემპიონატში აძლევენ. მეორე და მესამე ადგილზე ახალი ზელანდია და ირლანდია არიან.

ქართული კლუბებიდან ახალგაზრდებს ყველაზე დიდ ნდობას რუსთავი უცხადებს. 22 წლამდე ასაკის ფებხურთელებისთვის მიცემული დროის 43,2%-ით რუსთავი ქართულ კლუბებში პირველია. მეორე 32,7%-ით ვიტ ჯორჯიაა, 31,6%-ით მესამეა დილა. მათ ქვემოთ ლოკომოტივი (28 %), საბურთალო (18,4 %), დინამო თბილისი (17,8 %), ტორპედო (12,8%), სიონი (12,4%), დინამო ბათუმი ( 7,1%) და ჩიხურა (3,4%) არიან.

ასევე იხილეთ: ტოპ-10 | სანჩო ყველაზე ძვირადღირებული ახალგაზრდაა

პრემიერ ლიგაზე, ლა ლიგასა და სერია ა-ზე წინ | საქართველოში ახალგაზრდებს ენდობიან

უახლესი ამბები