მსოფლიოს მმართველმა საკალათბურთო ორგანიზაციამ ევროპული ნაკრებების განახლებული რეიტინგი გამოაქვეყნა. როგორც ჩანს, საქართველომ დიდი პროგრესი განიცადა და წინ მთელი ექვსი საფეხურით წაიწია.

ამ მომენტისთვის ჩვენი ეროვნული გუნდი ევროპის მასშტაბით მე–12 ადგილს იკავებს. აღსანიშნავია, რომ ევროპის ჩემპიონი, სლოვენია მე–14 პოზიციაზე იმყოფება. რუსეთი კი მე–13 გახლავთ.

"საქართველოს ეროვნული ნაკრები ბაბლს ფინეთში ითამაშებს. მათ გიორგი შერმადინი, თორნიკე შენგელია და მაკფადენი ეყოლებათ, თუმცა ეს გუნდი საუკეთესო ვერსიით წარმოდგენილი არ იქნება, რადგან მათი დანაკლისი საკმაოდ დიდია. ქართველებს გოგა ბითაძე, ბექა ბურჯანაძე, რატი ანდრონიკაშვილი, გიორგი ცინცაძე და დუდა სანაძე ვერ ეხმარებიან. ამ გუნდმა ფიბა–ს რეიტინგში სერიოზული წინსვლა განიცადა. კალათბურთი საქართველოში მაღალ თამასაზეა და თუ ისინი მომდევნო ორი მატჩის მოგებას შეძლებენ, შეიძლება, კიდევ უფრო გაიზარდოს", – წერს ფიბა საქართველოს ნაკრების შესახებ.

შეგახსენებთ, რომ ილიას ზუროსმა 12 კალათბურთელთან ერთად მზადება უკვე დაიწყო. ცნობილია, რომ გუნდი დღეს ორჯერ ივარჯიშებს. "მეტრო არენაზე" ჩვენმა გუნდმა პირველი ვარჯიში უკვე გამართა.

საქართველოს ნაკრები ფიბა–ს რეიტინგში დაწინაურდა

ფიბამ რეიტინგი გამოაქვეყნა

ჩვენმა გუნდმა ექვსი საფეხურით წინ წაიწია

უახლესი ამბები