შტურმის ქართველმა ფეხბურთელმა, ოთარ კიტეიშვილმა ავსტრიულ მედიასთან საინტერესო კომენტარი გააკეთა.

მისი თქმით, ამჟამინდელი ყოფა სიზმარს გავს:

“ცხადია, ოცნებაა კარიერის ნამდვილად დიდ გუნდში გაგრძელება, მაგრამ აქ, გრაცში ჩემი ცხოვრება სიზმარს გავს. ბავშვობიდან საქართველოში, ამას არასდროს ველოდი. არასდროს მქონია აქამდე ასეთი ცხოვრება“, - თქვა მან.

შეგახსენებთ, რომ ოთარ კიტეიშვილი შტურმში 2018 წლიდან თამაშობს და გუნდის ვიცე-კაპიტანია.

ოთარს მედიაც აქებს:

“კორონავირუსისა და კუნთის პრობლემის გამო, მას ამ სეზონში ბევრი გაუცდა, თუმცა მან შეძლო და მცირე დროში 3 გოლი და 2 საგოლე პასი მიითვალა. ის ყურადღების ცენტრში განსაკუთრებით აუსტრიასთან დუბლის შემდეგ მოექცა“, - წერს KLEINE ZEITUNG-ი.

ოთარ კიტეიშვილი: “ჩემი ცხოვრება სიზმარს გავს“

კიტეიშვილმა ადგილობრივ მედიასთან ისაუბრა

უახლესი ამბები