საქართველოს ფეხბურთის ფედერაციის ყოველ წლიური დაჯილდოება GFF Awards მიმდინარე წელს პანდემიის და საკარანტინო რეგულაციების გამო, შეცვლილი ფორმატით გაიმართა. 2020 წლის საუკეთესოთა გამოვლენა 29 დეკემბერს 11:00 საათიდან ფუტსალის საუკეთესო მწვრთნელი გამოვლენით დაიწყო და 13:00 საათზე საქართველოს საუკეთესო ფეხბურთელის დასახელებით დასრულდება.

2020 წლის რჩეულების გამოსავლენად საქართველოს ფეხბურთის ფედერაციის გამოკითხვაში მონაწილეობა მიიღეს საქართველოს ეროვნული ნაკრების მოთამაშეებმა, ფუტსალისა და ქალთა ლიგების მთავარმა მწვრთნელებმა და კაპიტნებმა, ასევე სპოტული მედიის წარმომადგენლებმა და ვეტერანმა ქართველმა ფეხბურთელებმა.

საქართველოს ფეხბურთის ფედერაციის ყოველწლიურ დაჯილდოებაზე 2020 წლის საუკეთესო ქალ ფეხბურთელად სქკ ლანჩხუთის თავდამსხმელი, ხატია ჭყონია დასახელდა.

ხატია ჭყონიამ მნიშვნელოვანი როლი ითამაშა გურული გუნდის წარმატებაში, როდესაც ქართული ფეხბურთის ისტორიაში პირველად, ქართული კლუბი ყველაზე პრესტიჟული ტურნირის ფინალურ ეტაპზე გავიდა.

ლანჩხუთმა საკვალიფიკაციო ეტაპზე ორი რაუნდი დაძლია და ორივე შეხვედრაში გოლებით სწორედ ხატია ჭყონია გამოირჩა. ქალთა ჩემპიონთა ლიგის ფინალურ ეტაპზე ქართული კლუბი შვედურ როსენგარდს დაუპირისპირდა და ორრაუნდიან ბრძოლაში დამარცხდა.

აქვე შეგახსენებთ, რომ ჭყონიას მიერ კლუჟის კარში გატანილი გოლი, 2020 წლის საუკეთესოდ დასახელდა.

GFF Awards - ჭყონია საუკეთესო ქალი ფეხბურთელია

GFF Awards 2020

ასევე იხილეთ

უახლესი ამბები