ესპანეთის ლიგა ენდესას ეგიდით, გიორგი შერმადინის ტენერიფემ ვალენსია 90:86 დაამარცხა. "შერმინატორის" გუნდმა სეზონში რიგით მეოცე გამარჯვება იზეიმა. აღნიშნულ შეხვედრაში, წინ ძირითადად სტუმრები იყვნენ, თუმცა საბოლოოდ მაინც დამარცხდნენ.

ქართველმა კალათბურთელმა თამაში ძირითად შემადგენლობაში დაიწყო და პარკეტზე 24:10 წუთი გაატარა. მან 21 ქულა ჩააგდო. აქტივში კი შვიდი მოხსნა, ორი ჩაჭრა და ერთი დაფარება ჩაიწერა.

გიორგიმ ათიდან შვიდი ორქულიანი ჩააგდო, საჯარიმო კი რვიდან შვიდი ზუსტი გახლდათ. ის არ დაჯარიმებულა და ბურთი ერთხელ დაკარგა. "შერმინატორის" წინააღმდეგ თამაშის წესები ექვსჯერ დაირღვა. მისი სარგებლიანობის კოეფიციენტი 32 იყო და ვალენსიასთან მატჩში MVP–ის სტატუსიც მოიპოვა.

💪 @gioshermadini, nuestro #MVP en el triunfo de hoy 👇 pic.twitter.com/K4KpaEKxVy
— Lenovo Tenerife (@CB1939Canarias) March 28, 2021

ამჟამად ლენოვო ტენერიფეს 20 გამარჯვება და ხუთი მარცხი უფიქსირდება. ის ესპანეთის ჩემპიონატში მადრიდის რეალს და ბარსელონას ჩამორჩება. მომდევნო დაპირისპირეას ქართველი კალათბურთელის გუნდი უკვე სამ აპრილს სტუმრად, ბეტისთან გამართავს.

შერმადინი ვალენსიასთან საუკეთესო იყო

ტენერიფემ ვალენსია დაამარცხა

შერმადინი MVP გახდა

ასევე იხილეთ

უახლესი ამბები