ეროვნული ლიგის მერვე ტურის პირველ სათამაშო დღეს რამდენიმე საინტერესო ჯახი შედგა.

თბილისის დინამომ სამტრედია დაძაბულ ბრძოლაში დაამარცხა - 2:1, საბურთალომ შუქურას უმასპინძლა და ქომაგებმა ნამდვილი საფეხბურთო დრამა იხილეს.

საბურთალო საკუთარ კედლებში 0:2 მარცხდებოდა, მაგრამ კორღალიძის შეგირდებმა წონასწორობის აღდგენა მაინც მოახერხეს - 2:2.

მატჩის დასრულების შემდეგ, ლევან კორღალიძემ თანამდებობა დატოვა.

დღის ბოლოს ქუთაისის ტორპედოსა და ლოკომოტივის დაპირისპირება შედგა.

იმერლებმა პირველ ტაიმში გოლი გაიტანეს, მაგრამ მსაჯმა არ ჩათვალა. “რკინიგზელების“ მხრიდან ანგარიშის გახსნა კირკიტაძემ მოახერხა, ხოლო რიონისპირელებმა წონასწორობა ტუჩიბაევის მიერ გატანილი გოლით აღადგინეს - 1:1.

მეორე ნახევარში სტუმრებმა ტემპს უმატეს. 71-ე წუთზე შონიამ გაიტანა, ხოლო 73-ე წუთზე დარციმელიამ ტაბლოზე საბოლოო ანგარიში 3:1 დააფიქსირა.

დავძენთ, რომ ქუთათურთაგან პენალტი ზიდანმა ვერ გამოიყენა.

შეგახსენებთ, ლოკომოტივისა და შუქურას გენერალური სპონსორია Crocobet-ი, ხოლო მედიაპარტნიორი Croco.ge

კორღალიძე წავიდა, ლოკომ მარტივად იმარჯვა

ეროვნული ლიგის მე-8 ტური სანახაობრივად მიმდნარეობს

ასევე იხილეთ

უახლესი ამბები