ეროვნული ლიგის მერვე ტურში ლოკომოტივმა გასვლით შეხვედრაში ქუთაისის ტორპედო 3:1 დაამარცხა.
ლოკომოტივი 14 ქულით მესამე ადგილზეა, ტორპედო კი 5 ქულით მეცხრეზე.

ტორპედო 1:3 ლოკომოტივი
გოლები: 0:1 თორნიკე კირკიტაძე (45+1), 1:1 მუროდჟონ ტუიჩიბაევი (58), 1:2 თემურ შონია (71), 1:3 ბექა დარცმელია (73)

გიორგი ჭიაბრიშვილი (ლოკომოტივის მთავარი მწვრთნელი): "რთულ მატჩს ნამდვილად ველოდით, იმიტომ რომ ქუთაისში თამაში ყოველთვის ჭირს. ქუთაისს გამორჩეული გულშემატკივარი და გუნდიც საკმაოდ კარგი ჰყავს. ტორპედო კარგ ფეხბურთს თამაშობს. დღეს როტაციას მივმართეთ. ეს იყო მიზეზი, რის გამოც სიხარულიძე და დარცმელია სათადარიგოთა სკამზე დარჩნენ, თუმცა მეორე ტაიმში კარგად გამოვიდნენ და მატჩი მოვიგეთ. მთლიანობაში, გუნდის თამაშით კმაყოფილი ვარ. წინა ტურშიც გვქონდა მომენტები, შეგვეძლო მოგება, მაგრამ ვერ მოვახერხეთ. სამგურალმა თავი კარგად დაიცვა. დღეს გოლები გავიდა... ფეხბურთია და ხდება. მოვემზადებით შემდეგი მატჩებისთვის."

თეიმურაზ შონია: "ზედიზედ ორი მატჩი ვერ მოვიგეთ და ფსიქოლოგიური წნეხი იყო. დიახ, დღეს მოგება ძალიან გვინდოდა. კარგი, დაძაბული მატჩი გამოვიდა და მიხარია, რომ მნიშვნელოვანი სამი ქულა მოვიპოვეთ. რაც შეეხება ჩემს გოლს, ბედნიერი ვარ, რომ გოლის გატანა მოვახერხე და გუნდის გამარჯვებაში საკუთარი წვლილი მეც შევიტანე.

მადლობას ვუხდი გუნდს დღევანდელი მატჩისთვის, ტორპედოს კი მომავალ მატჩებში წარმატებებს ვუსურვებ."

🥳⚽️🔥 +3 #Loco #winners #FCL #erovnuliliga #fulltime
Posted by FC Locomotive Tbilisi on კვირა, 11 აპრილი, 2021

ლოკომოტივმა ქუთაისში მნიშვნელოვანი ქულები მოიპოვა

ასევე იხილეთ

უახლესი ამბები