როგორც იცით, საქართველოს ეროვნული ნაკრების ახალგაზრდა წევრი, გიორგი მიქაუტაძე ფრანგული მეცის საკუთრებაა, თუმცა იჯარით სერენში ასპარეზობს და შესანიშნავად გამოიყურება.

ქართველი ფეხბურთელის გუნდი, ლირსს დაუპირისპირდა და მათი შეხვედრა, გატანილი გოლების გარეშე დასრულდა. აღსანიშნავია, რომ მიქაუტაძეს ოქროს ბუცი გადასცეს და ის მიმდინარე სეზონში, კლუბის საუკეთესო მოთამაშედაც დაასახელეს.

მოგეხსენებათ, რომ გიორგი ბელგიის პროქსიმუს ლიგაში ბომბარდირობისთვის იბრძვის. მის და დანტე ვანზირის აქტივში 19–19 გოლი ფიქსირდება. გიორგის აქტივში ორი საგოლე გადაცემაც გახლავთ, ხოლო მისმა უშუალო კონკურენტმა შვიდი ასისტი მიითვალა. სერენს კი 49 ქულა აქვს და სატურნირო ცხრილში მეორე ადგილს იკავებს.

მომდევნო დაპირისპირება გიორგი მიქაუტაძეს და მის გუნდს უკვე 24 აპრილს ლომელის წინააღმდეგ ელით. როგორც უკვე მოგახსენეთ, მომდევნო სეზონს ქართველი თავდამსხმელი მეცში დაიწყებს.

20 წლის ფეხბურთელი რამდენიმე თვის წინ აცხადებდა, რომ მისი მიზანი სწორედ ფრანგულ გუნდში დაბრუნება და იქ ადგილის დამკვიდრება იყო.

მიქაუტაძეს ოქროს ბუცი გადასცეს და საუკეთესო ფეხბურთელად დაასახელეს

ქართველი ფეხბურთელის აღიარება

მიქაუტაძემ ოქროს ბუცი მიიღო

უახლესი ამბები