თემურ ქეცბაიას ანორთოსისს მიმდინარე სეზონის დასრულება ტიტულით შეუძლია, თუ დღეს, 15 მაისს, თასის ფინალში გამარჯვებას იზეიმებს.

ქართველების გუნდი ნიქოზიის ოლიმპიაკოსს დაუპირისპირდება.

მატჩამდე ქომაგებმა არაერთი პერფორმანსით გაახარეს ფეხბურთელები. მთავარმა მწვრთნელმა კი, კომენტარიც გააკეთა:

“ანორთოსისი ისევ თასის ფინალშია. ჩვენ ეს გვსურდა და ამას დიდხანს ველოდით… გვინდოდა, ჩვენს გულშემატკივრებს ჩვენთვის მხარი მოედანზე დაეჭირა, მაგრამ შექმნილი განსაკუთრებული ვითარების გამო, მჯერა, თითოეული მათგანი სახლიდან გვიქომაგებს, იქიდან აგვავსებს პოზიტიური ენერგით, აურით, სიყვარულით, ერთგულებით და დაგვეხმარება მოგებული თასის აღმართვაში.

იმედი გვაქვს, ჩვენი ძალისხმევა და სურვილი რეალურად გამოიღებს შედეგს და გავახარებთ ჩვენს ხალხს, რადგან ანორთოსისის გუნდი არა მხოლოდ იმისთვის არსებობს, რომ იარსებოს, არამედ იმისთვის, რომ მწვერვალები დაიპყროს“, - თქვა ქეცბაიამ.

შეგახსენებთ, ანორთოსისის ღირსებას ბუბა დაუშვილი, გიორგი ლორია, გიორგი ქვილითაია და თორნიკე ოქრიაშვილი იცავენ.

თემურ ქეცბაია: “ამას დიდ ხანს ველოდით“

ანორთოსისი ფინალშია...

ასევე იხილეთ

უახლესი ამბები