საქართველოს ეროვნული ლიგის მე-17 ტურის ეგიდით, თენგიზ ბურჯანაძის სახელობის სტადიონზე გორის დილამ თელავს უმასპინძლა და მატჩი ფრედ, 1:1 დასრულდა.

შეხვედრა გარდამავალი უპირატესობით წარიმართა და ორივე გუნდმა არაერთი სახიფათო მომენტი შექმნა. პირველი გოლი მატჩის 17-ე წუთზე, თელაველებმა მეტოქე კონტრშეტევაზე დაიჭირეს, შოთა შეყილაძემ ლაშა შერგელაშილის გადაცემით ისარგებლა და სტუმრები წინ გაიყვანა.

მასპინძლებმა ანგარიშის გათანაბრება პირველი ტაიმის მიწურულს შეძლეს. 42-ე წუთზე, საჯარიმოში ჩაწოდებულ ბურთს პაატა ღუდუშაური გამოეხმაურა, რომელიც კარში დარტყმას ცდილობდა, თუმცა ბურთი თორნიკე კაპანაძეს მიუვიდა, თელაველთა კარი აიღო და მიმდინარე სეზონში თავისი მესამე გოლი გაიტანა.

შეხვედრის მეორე ნახევარში გულშემატკივარს კიდევ არაერთი გოლის ხილვა შეეძლო, თუმცა გადამწყვეტ მომენტი შემტევებს არ უმართლებდათ. ტაიმის სტარტზე სტუმართა კარი ერთ მომენტში ხარიხამაც იხსნა. მატჩის მიწურულს კი გოლის გატანა ღუდუშაურს შეეძლო, რომელმაც ბრწყინვალე სოლო რეიდი წამოიწყო, თუმცა საჯარიმოში შესულს სიზუსტემ უმტყუნა და კარს მცირე მანძილით ააცილა.

შედეგად, თელავმა 4-მატჩიანი წაგებათა სერია შეწყვიტა და ერთი ქულა აიღო. 17 ტურის შემდეგ, გორის დილა სატურნირო ცხრილში 26 ქულით მე-5 ადგილს იკავებს. ხოლო, თელავმა 9 ქულას მოუყარა თავი და კვლავ ცხრილის ფსკერზეა.

საფეხბურთო კლუბ თელავის სპონსორია კროკობეთი - მედიაპარტნიორი croco.ge

თელავმა გორში ქულა აიღო

დილა 1:1 თელავი

ასევე იხილეთ

უახლესი ამბები